ملک کا دفاعی شعبہ ٹیکنالوجی پر مبنی جدید دور کے تقاضے پورے کررہا ہے : وزیراعظم

تفصیلات کے مطابق سماجی رابطے کی ویب سائٹ ٹوئٹر پر ایک پیغام میں وزیراعظم شہبازشریف نے کہا کہ گزشتہ برسوں کے دوران دفاعی نمائش آئیڈیاز ایک ایسے اہم پلیٹ فارم کی حیثیت اختیارکر گئی ہے جس سے عالمی دفاعی مارکیٹ میں پاکستان کی بڑھتی ہوئی پیشرفت اجاگر ہوتی ہے۔

وزیراعظم نے کہا کہ دفاعی نمائش آئیڈیاز 2022 کا موضوع ” امن کےلئے ہتھیار پاکستان کی امن و سلامتی کی خواہش” کامظہر ہے۔ 

Over the years, IDEAS has evolved into a platform that highlights Pakistan's growing footprint in the global defence market. Arms for Peace, theme of IDEAS’22, reflects Pakistan's desire for peace & stability. Good to see that our defence sector is catering to demands of tech era

— Shehbaz Sharif (@CMShehbaz) November 15, 2022

گیارہویں بین الاقوامی دفاعی نمائش اور سیمینار آئیڈیاز 22 آج  سے کراچی میں شروع ہورہی ہے  جو جمعہ تک جاری رہے گی۔اس چار روزہ نمائش میں 64 ممالک اپنی مصنوعات کے ساتھ شریک ہوں گے، پہلی بار آسٹریلیا، رومانیہ اور ہنگری بھی شریک ہورہے ہیں۔

آئیڈیاز 2022 میں انتہائی اہم سیمینار انٹیلی جنس ان ڈیفنس مارکیٹ کا انعقاد کیا جائے گا جبکہ وزراء اور مسلح افواج کے سربراہان کے قیادت میں دوست ملکوں کے دفاعی وفود شرکت کریں گے۔

17 نومبر کو کراچی کے شہریوں کیلئے سی ویو پر ایئر شو کا انعقاد کیا جائے گا اور ڈرلز منعقد کی جائیں گی۔