جی ایچ کیو نے پریڈ گراؤنڈ میں عمران خان کے ہیلی کاپٹر کو اترنے کی اجازت دے دی

جی ایچ کیو نے عمران خان کے ہیلی کاپٹر کو پریڈ گرائونڈ میں اترنے اور دوبارہ اڑنے کی اجازت دے دی۔ تحریک انصاف کو بھی باضابطہ طور پر جی ایچ کیو کے فیصلے سے آگاہ کر دیا گیا۔

تحریک انصاف اسلام آباد کے صدر علی نواز کا کہنا ہے کہ وفاقی حکومت کے اپنی الرٹس کے مطابق عمران خان کی سلامتی کو خطرات لاحق ہیں۔عمران خان کی پرامن حقیقی آزادی مارچ میں بحفاظت شرکت کیلئے ہیلی کاپٹر کا استعمال اہم ہے۔

جی ایچ کیو کے این او سی کے بعد وفاقی حکومت کے پاس ہیلی کاپٹر کی آمد و روانگی کی راہ میں رکاوٹ ڈالنے کا کوئی جواز نہیں۔ جی ایچ کیو کے مراسلے کے بعد وفاقی حکومت بہانہ سازی ترک کرے اور پریڈ گراؤنڈ میں ہیلی کاپٹر کی آمد و رفت کی اجازت دے۔

جی ایچ کیو نے عمران خان کا ہیلی کاپٹر پریڈ گراؤنڈ اسلام آباد میں اترنے کی اجازت دے دی pic.twitter.com/SdKyk4ducO

— Mughees Ali (@mugheesali81) November 24, 2022