پٹرو ل اوربجلی کی قیمتوں میں اضافے کے بعد اسد عمر نے مہنگائی میں کمی کا دعوی کردیا

تفصیلات کے مطابق وفاقی وزیر منصوبہ بندی   اسد عمر نے سماجی رابطے کی ویب سائٹ ٹوئٹر پر اپنے  پیغام  میں کہاکہ  مہنگائی کی شرح میں کمی ہوتی جارہی ہے اب افراط زر 5.8 سے کم ہوکر 5.7 فیصد رہ گیا ہے۔ جولائی 2018 پی ٹی آئی حکومت کی تشکیل سے قبل سی پی آئی 5.8 فیصد اور کور 7.6 فیصد تھا۔ لیکن اب افراط زر5.7 فیصد اور کور 5.4 فیصد ہے۔وفاقی وزیر منصوبہ بندی اسد عمر کا کہنا تھا کہ ملک میں مہنگائی کی شرح میں کمی ہوتی جارہی ہے، مہنگائی کی شرح آج پی ٹی آئی حکومت کی تشکیل سے پہلے کی شرح سے کم ہے۔

Inflation continues to decline. Jan inflation (CPI) is down to 5.7%. Core inflation is at 5.4%. Last month (jul 2018) prior to PTI govt formation, CPI was 5.8% & core was 7.6%. The rate of inflation is LOWER today then when the PTI govt was formed. #PMIKECONPOLICYSUCCESS

— Asad Umar (@Asad_Umar) January 31, 2021

28جنوری کو  نیشنل پاور ریگولیٹری اتھارٹی (نیپرا) نے بجلی کی قیمت میں فی یونٹ 3.5 روپے اضافے کا  عندیہ دیا  ۔ اس سے قبل 11 جنوری کو نیپرا نے صارفین سے 8.40 ارب  روپے اضافی بوجھ ڈالتے ہوئے  بجلی کے نرخوں میں فی یونٹ 1۔6 روپے اضافے کی اطلاع دی تھی۔

28 جنوری کو آئل اینڈ گیس ریگولیٹری اتھارٹی (اوگرا) نے پٹرولیم ڈویژن کو ارسال کردہ تازہ سمری میں پٹرول کی قیمت میں 12 لیٹر اور ڈیزل کی قیمت میں 10 روپے فی لیٹر اضافہ کی تجویز دی ہے ، اوگرا نے پیٹرول اور ڈیزل کی قیمتوں کی سمری 30 روپے فی لیٹر لیوی کی بنیاد پر تیار کی۔  اس سے قبل 15 جنوری کو حکومت نے پیٹرول کی قیمت میں 3.22 روپے فی لیٹر ، مٹی کا تیل 3 روپے فی لیٹر ، لائٹ ڈیزل آئل میں 4.42 روپے فی لیٹر اور ہائی اسپیڈ ڈیزل میں 2.95 روپے فی لیٹر اضافہ کیا تھا۔

29جنوری کواو گرا نےسندھ اور بلوچستان کے صارفین کیلئے گیس مزید مہنگی کرنےکا فیصلہ کیا-اوگرا نے سوئی سدرن کیلئے گیس کے اوسط ٹیرف میں 39 روپے 89 پیسے فی ایم ایم بی ٹو اور میٹر چارجز میں ایک سو فیصد اضافے کی منظوری دیدی۔  اوگرا نے سوئی سدرن کیلئے گیس مہنگی کرنے کا فیصلہ وفاقی حکومت کو بھجوادیا۔ اوگرا کی سفارش کے مطابق اضافے کا صارفین پر 14 ارب روپے سے زائد کا اضافی بوجھ پڑے گا۔

30جنوری کو پاکستان کے ادارہ شماریات   کی رپورٹ کے مطابق  ملک میں  مہنگائی کی شرح مزید 0.52 فیصد بڑھ گئی، 18اشیاء کی قیمتوں میں اضافہ ہوا،آلو، پیاز، ٹماٹر، انڈہ، آٹا، چینی، دال مونگ سستی، 24اشیاء کی قیمتوں میں استحکام رہا۔ ملک کے 17 بڑے شہروں سے 51 اشیاء کی قیمتوں کا تقابلی جائزہ لیاگیا جس میں سے 18اشیاءکی قیمتوں میں اضافہ، 9 اشیاء کی قیمتوں میں کمی جبکہ 24 اشیاء کی قیمتوں میں استحکام رہا۔