مہنگائی میں کمی کیلئے ہماری کوششیں بہترین نتائج لارہی ہیں: وزیراعظم

تفصیلات کے مطابق معیشت کے میدان سے خوشخبری سناتے ہوئے   ٹوئٹر پر پیغام میں  وزیر اعظم عمران خان  نے کہا ہے  کہ  مہنگائی کے خلاف حکومت کی کوششوں  کے ثمرات  نظر آنے لگے ہیں۔ وزیراعظم  کاکہناتھا کہا کہ کنزیومر پرائس انڈیکس  (     سی پی آئی)  اور بنیادی افراط زر آ ج اس سطح سےنیچےہیں جس پر یہ ہمارےحکومت سنبھالنےکےوقت تھیں۔ میں نے اپنی معاشی ٹیم کو محتاط رہنے اور مہنگائی کنٹرول رکھنے کو یقینی بنانے کی ہدایت کی ہے۔

معاشی حوالےسےمزیدخوشخبری ہےکہ گرانی میں کمی کےحوالے سےہماری کاوشیں بارآور ہو رہی ہیں۔ کنزیومر پرائس انڈیکس اورکور اِنفلیشن آج اس سطح سےنیچےہیں جس پر یہ ہمارےحکومت سنبھالنےکےوقت تھیں۔میں نے اپنی معاشی ٹیم کو ہدایت کی ہےکہ محتاط رہیں اور یقینی بنائیں کہ مہنگائی پر قابو برقرار رہے۔

— Imran Khan (@ImranKhanPTI) January 31, 2021

اس سے قبل    وفاقی وزیر  اسد عمر نے ملکی معیشت پر بات کرتے ہوئے ایک بیان میں  کہا  کہ مہنگائی کی شرح مسلسل نیچے گررہی ہے، مہنگائی کی شرح آج پی ٹی آئی حکومت کی تشکیل سے پہلے کی شرح سے کم ہے۔ اشیائے خوراک کے صارفین کے لیے مہنگائی کی شرح 5.7 فیصد تک نیچے آگئی، بنیادی افراط زر کی شرح 5.4فیصد تک نیچے آچکی ہے۔