آئی ایم ایف سے مذاکرات کے حوالے سے آج اچھی خبر دینگے: اسحاق ڈار

وزیر خزانہ اسحاق ڈار نے کہا کہ آئی ایم ایف سے فائنل راونڈ چل رہا ہے، ہر چیز ٹھیک چل رہی ہے، آج پھر آئی ایم ایف سے مذاکرات ہوں گے، آئی ایم ایف سے کوئی اختلاف نہیں ہے۔

وزیر خزانہ اسحاق ڈار نے اسلام آباد میں میڈیا سے گفتگو کرتے ہوئے کہا کہ آپ کو بہت جلد خبر دیں گے، روڈ سیفٹی کانفرنس کا انعقاد خوش آئند ہے، روڈ سیفٹی کانفرنس سے جامع ایکشن پلان بنانے میں مدد ملے گی، سڑکوں پر روز بروز ٹریفک کا دباؤ بڑھ رہا ہے، حکومت رواں سال سڑکوں کے 50 سے زائد منصوبوں پر کام کر رہی ہے۔

اسحاق ڈار کا کہنا تھا کہ گزشتہ کچھ عرصے میں ملک میں مڈل کلاس طبقے میں اضافہ ہوا ہے، 90 کی دہائی میں نواز شریف نے موٹر وے بنائی تو بہت تنقید کا سامنا کرنا پڑا، اب پورے ملک میں موٹر ویز کا جال بچھا ہے، سڑکوں پر حادثات میں کمی کے لیے قوانین پر عملدآمد کرایا جا رہا ہے، مسلم لیگ ن نے اپنے ہر دور میں سڑکوں کا جال بچھایا۔