پاکستان
وزیراعظم محمد شہباز شریف نے لاہور میں باب پاکستان کا افتتاح کردیا
والٹن روڈ کی توسیع اور کشادگی منصوبے کا سنگ بنیاد بھی رکھا
پاکستان
8 ستمبر 2024 پاکستان نیوی کی جانب سے یومِ بحریہ ملی جزبے سے منایا گیا
یوم بحریہ کی تقریبات کا آغاز پاکستان نیوی کی تمام مساجد میں ملکی سلامتی اور کشمیر کی جدوجہد آزادی کی کامیابی کیلئے خصوصی دعاؤں سے ہوا
پاک فوج کے شعبہ تعلقات عامہ آئی ایس پی آر کے مطابق 8 ستمبر 2024 پاکستان نیوی کی جانب سے یومِ بحریہ انتہائی عقیدت اور ملی جزبے سے منایا جارہا ہے۔
یوم بحریہ کی تقریبات کا آغاز پاکستان نیوی کی تمام مساجد میں ملکی سلامتی اور کشمیر کی جدوجہد آزادی کی کامیابی کیلئے خصوصی دعاؤں سے ہوا، 8 ستمبر 1965 کو آپریشن سومنات کے دوران پاک بحریہ کے جہازوں نے ہندوستانی بندرگاہ دوارکاپر حملہ کر کے ہندوستانی ریڈار سٹیشن تباہ کرنے کے ساتھ ساتھ دشمن کا غرور بھی خاک میں ملا دیا ۔
پاک بحریہ کی واحد آبدوز غازی نے جنگ کے دوران بحر ہند میں اپنا راج اور دبدبہ قائم رکھا اور 5 گنا بڑی بھارتی بحریہ کو بھارتی بندرگاہ میں مفلوج کر دیا، نیول چیف ایڈمرل نوید اشرف نے اپنے پیغام میں کہا کہ8ستمبر کا دن پاک بحریہ کی تاریخ کا سنہرا باب ہے جو ہمارے سرفروشوں کی لازوال قربانیوں اور جذبوں کی یاد دلاتا ہے پاکستان بحریہ خطے میں ایک مضبوط بحری قوت کے طور پر پہچانی جاتی ہے۔
نیول چیف پاک بحریہ نے کہا کہ ملکی بحری دفاع کو مزید مضبوط کرنے کیلئے دور حاضر کے جدید جنگی جہا ز و ں، آبدوزوں اور میری ٹائم ایئر کرافٹس کو اپنے بحری بیڑے میں شامل کر رہی ہے، آج کے دن پاکستان نیوی کے آفیسرز ، سی پی اوز ، سیلرز اور سویلینز ملک کے ناقابل تسخیر دفاع اور کسی بھی جارحیت کی صورت میں آخری سانس اور خون کے آخری قطرے تک ثابت قدم رہنے کا عہد کرتے ہیں۔
ٹیکنالوجی
گوگل کروم میں صارفین کیلئے ’’اے آئی‘‘ اسسٹنٹ دستیاب
اس نئے فیچر کے ذریعے گوگل کا مقصد جیمنائی اے آئی اسسٹنٹ کو زیادہ سے زیادہ لوگوں تک پہنچانا ہے تاکہ وہ اس سے فائدہ اٹھا سکیں
کراچی : گوگل نے اپنی مصنوعی ذہانت ٹیکنالوجی جیمنائی کو مزید عام کرنے کے لیے ایک اہم قدم اٹھاتے ہوئے اسے گوگل کروم میں شامل کر لیا ہے۔ دنیا بھر میں سب سے زیادہ استعمال ہونے والے اس ویب براؤزر میں اب صارفین براؤزر بار میں gemini @ٹائپ کر کے براہ راست جیمنائی سے سوالات پوچھ سکیں گے۔
اس نئے فیچر کے ذریعے گوگل کا مقصد جیمنائی اے آئی اسسٹنٹ کو زیادہ سے زیادہ لوگوں تک پہنچانا ہے تاکہ وہ اس سے فائدہ اٹھا سکیں۔ جیمنائی مختلف زبانوں میں سوالوں کے جوابات دے سکتا ہے، معلومات تلاش کر سکتا ہے اور یہاں تک کہ تخلیقی کام بھی انجام دے سکتا ہے۔
گوگل واحد کمپنی نہیں جو اپنے براؤزر میں اے آئی اسسٹنٹ کو شامل کر رہی ہے۔ مائیکرو سافٹ نے بھی اپنے ایج براؤزر میں کو پائلٹ اے آئی اسسٹنٹ کو شامل کر لیا ہے۔ اس سے قبل گوگل نے جیمنائی پر مبنی ویژول سرچز کو گوگل لینس کے ذریعے کروم کا حصہ بنایا تھا۔
اس نئی پیشرفت سے صارفین اب کروم میں براؤز کرتے ہوئے آسانی سے جیمنائی سے معلومات حاصل کر سکیں گے۔
پاکستان
ریاست کے خلاف منصوبہ بندی کر کے حملہ کرنےوالوں کو کوئی معافی نہیں ، مریم اورنگزیب
مریم اورنگزیب نے اپنے بیان میں یہ بھی کہا کہ جلسے نو مئی اور ریاست کے خلاف منصوبہ سازی کے جرم سے بچنے کے لئے این آر او کی بھیگ ہے
سینیئر وزیرمریم اورنگزیب نے کہا کہ ریاست کے خلاف منصوبہ بندی کر کے حملہ کرنے کے جرم کی کوئی معافی نہیں۔
سینیئر وزیرمریم اورنگزیب نے اپنے ایک بیان میں کہا کہ جلسے کریں، روئیں، پیٹیں یا چیخیں سزا تو ملے گی، نئے نیب قانون کے تحت ریلیف کی پہلی درخواست نو مئی کے مجرم نے دی۔
مریم اورنگزیب نے اپنے بیان میں یہ بھی کہا کہ جلسے نو مئی اور ریاست کے خلاف منصوبہ سازی کے جرم سے بچنے کے لئے این آر او کی بھیگ ہے، مریم اورنگزیب نے سوال کیا کہ نیب قانون کو “چوروں کا قانون” کہنے والے نے خود سب سے پہلے ریلیف کی درخواست کیوں دی؟
مریم اورنگزیب نے کہا کہ کہتا ہے قانون چوروں کو بچانے کے لئے بنایا گیا ہے اور ‘این آر او’ کی پہلی درخواست موصوف کی اپنی ہے، این آراو بھی مانگتا ہے اور جلسے بھی کرتا ہے۔
مریم اورنگزیب نے کہا کہ گھڑی اور توشہ خانہ کا چور، 190 ملین پاؤنڈ کا مجرم دوسروں پر کیچڑ اچھالنے کی آڑ میں خود ‘این آر او’ لے کر بھاگنا چاہتا ہے، ہر روز این آر او کی بھیگ مانگتا ہے، جرم کا حساب نہیں دیتا۔
-
پاکستان 2 دن پہلے
عدالت کا چیئرمین نادرا لیفٹیننٹ جنرل محمد منیر افسر کو عہدے سے ہٹانے کا حکم
-
پاکستان 2 دن پہلے
سپریم کورٹ نے نیب ترامیم بحال کر دیں
-
پاکستان 2 گھنٹے پہلے
راستوں کی بندش کے باعث پی ٹی آئی جلسہ تاخیر کا شکار
-
پاکستان 2 دن پہلے
سرکاری اخراجات میں کمی کے باعث وفاقی حکومت نے نئی بھرتیوں پر پابندی عائد کردی
-
تجارت 7 گھنٹے پہلے
پٹرولیم مصنوعات کی قیمتوں میں ایک بار پھر بڑی کمی متوقع
-
پاکستان 3 گھنٹے پہلے
عارف علوی کی سوشل میڈیا پر جلسے کی پرانی تصاویر شیئر کرنے پر معذرت
-
پاکستان 2 دن پہلے
اگر فوج غیر جانبدار اور غیر سیاسی ہو چکی ہے تو یہ اچھی بات ہے، عمران خان
-
پاکستان ایک دن پہلے
بانی پی ٹی آئی نے عمرا یوب کا استعفی کا منظور کر لیا