آسٹریلیا نے پاکستان کو شکست دے کر اوور 40 ٹی 20 ورلڈکپ جیت لیا

کراچی: آسٹریلیا نے پاکستان کو شکست دے کر اوور 40 ٹی ٹوئنٹی ورلڈ کپ جیت لیا۔

تفصیلات کے مطابق نیشنل بنک اسٹیڈیم کراچی میں کھیلے گئے  اوور 40 ٹی ٹوئنٹی ورلڈ کپ کے فائنل میں آسٹریلیا نے پاکستان کو 7 وکٹ سے شکست دی۔

پاکستان نے پہلے کھیلتے ہوئے 9 وکٹ پر 150 رنز بنائے۔

پاکستا ن کی جانب سے فواد عالم نے 24، عبدالرزاق نے 19 رنز اسکور کیے،جبکہ  ندیم جاوید24رنز بنا کر نمایاں رہے۔

آسٹریلیا کے مارک کلیری نے تباہ کن بولنگ کرتے ہوئے 22 رنز دے کر 5 وکٹیں حاصل کیں۔

 تعاقب میں اتری آسٹریلوی ٹیم نے 151 رنز کا ہدف 19 اوورز میں 3 وکٹ کے نقصان پر حاصل کرلیا،آسٹریلیا کی جانب سے اسٹیفن پیلسن 42 اور اسٹیف نوٹلی 47 رنز بناکر نمایاں رہے۔ 

خیال رہے کہ اوور 40 ٹی ٹوئنٹی کرکٹ ورلڈ کپ 2025 میں مجموعی طور پر 12 بین الاقوامی ٹیموں نے حصہ لیا  اور 42 میچوں کا انعقاد کراچی میں کیا گیا۔