چیف آف دی ڈیفنس فورسز کے عہدے کا باضابطہ نوٹیفکیشن جلد جاری ہو جائے گا، اعظم نذیر تارڑ

اسلام آباد: وفاقی وزیر قانون اعظم نذیر تارڑ کا کہنا ہے کہ چیف آف دی ڈیفنس فورسز کے عہدے کا باضابطہ نوٹیفکیشن جلد جاری کر دیا جائے گا۔

وفاقی وزیر قانون اعظم نذیر تارڑ نے کہا ہے کہ چیف آف ڈیفنس فورسز کے عہدے کا نوٹیفکیشن ہو جائے گا

تفصیلات کے مطابق وفاقی وزیر قانون اعظم نذیر تارڑنے میڈیا سے گفتگو کرتے ہوئے کہا کہ چیف آف ڈیفنس فورسز کے عہدے کا نوٹیفکیشن ہو جائے گا،میرے اور آپ کے لیے پریشانی کی بات نہیں ہے۔

میڈیا سے گفتگو میں ان کا کہنا تھا کہ یہ سرکاری پراسس کا حصہ ہے،وزیراعظم ملک میں نہیں ہیں،وزیراعظم آ جاتے ہیں تو سب کچھ ہو جانا چاہیے۔

اعظم نذیر تارڑکا مزید کہنا تھا کہ ہوسکتا ہے فائل ورک ہوچکا ہو،وزارت دفاع نے نوٹی فکیشن وزیراعظم ہاؤس سے کوآرڈی نیشن کے بعد کرنا ہے۔