پنجاب کی ہیلتھ کیئر سسٹم میں مزید بہتری لانا ہو گی،نگران وزیر اعلیٰ

نگران وزیراعلیٰ محسن نقوی نے ہیلتھ کیئر سہولتوں میں مزید بہتری لانے کی ہدایت کرتے ہوئے کہا کہ سرکاری ہسپتالوں میں مریضوں کو علاج معالجے کی معیاری سہولتیں ملنی چاہئیں۔

 نگران وزیراعلیٰ پنجاب کی زیر صدارت اعلیٰ سطح کا اجلاس ہوا، جس میں صوبے کے عوام کیلئے صحت کی معیاری سہولتوں کی فراہمی کے پروگرام کا جائزہ لیا گیا۔ اجلاس میں پنجاب کے ہسپتالوں میں میسر سہولیات کا جائزہ لیا گیا۔ شرکاء نے علاج معالجے کی سہولتوں و خدمات کو بہتر بنانے کیلئے سفارشات پیش کیں۔

محسن نقوی کا کہنا تھا کہ علاج معالجے و دیگر ضروری سہولتوں کی فراہمی سے متعلقہ امور کو جلد بہتر بنایا جائے، مفت علاج ہر نادار مریض کا حق ہے، ٹرانسپلانٹ کے بعد نادار مریضوں کی مالی معاونت کا جائزہ لیا جائے گا، حکومت پنجاب ہیلتھ سسٹم میں مزید بہتری لانے کیلئے کوشاں رہے گی۔