صدر عارف علوی الیکشن کی تاریخ دیں ورنہ استعفیٰ دیں،شیخ رشید

شیخ رشید نے کہا ہے کہ صدر عارف علوی کو کہتا ہوں پیر کو الیکشن کی تاریخ دیں ورنہ استعفیٰ دیں، آئینی طور پر صدر مملکت الیکشن کی تاریخ دے سکتے ہیں۔صوبے اور مرکز میں الیکشن اکھٹے ہوں گے

سابق وفاقی وزیرِ داخلہ شیخ رشید احمد نے لاہور میں پریس کانفرنس کرتے ہوئے کہا کہ عمران خان سے ملاقات کرنے لاہور آیا ہوں، خواجہ آصف نے اعتراف کرلیا کہ ملک ڈیفالٹ کرچکا ہے، مریم نواز کہتی ہیں یہ میری حکومت نہیں تو پھر بتائیں کسی کی ہے ؟ اپریل تک ملکی سیاست کا فیصلہ ہوجائے گا۔

پاکستان کو اللہ کے بعد سپریم کورٹ بچا سکتی ہے،میرے ساتھ جو 16 دن ہوا میں معاف کرتا ہوں ، سپاہیوں کا شکریہ ادا کرتا ہوں انہوں نے مجھے 2 کمبل دیئے،ان کاکہناتھا کہ آدھا سامان جیل چھوڑ آیا ہوں ۔

شیخ رشید نے کہاکہ اگر عمران خان کہے گا  تو 22 تاریخ کو سب سے پہلی گرفتاری میں خود دوں گا،خواجہ آصف نے اعتراف کیا ہے کہ ملک ڈیفالٹ ہو چکا ہے،یہ کہتے تھے سٹیٹ کو ڈیفالٹ کہنے والا غدار ہے،ان کاکہناتھا کہ آج سے 30 اپریل تک فیصلہ ہو جائے گا۔