ملک کے مختلف حصوں میں زلزلے سے 9 افراد ہلاک

منگل کی رات 6.8 شدت کے زلزلے کے باعث خیبرپختونخوا میں اب تک 9 افراد کی ہلاک جبکہ 44 زخمی ہوئے ہیں، صوبے میں زلزلے سے انیس مکانات کوجزوی طورپرنقصان پہنچا۔

صوبائی ڈیزاسٹر منیجمنٹ اٹھارٹی خیبر پختونخوا کے مطابق محکمہ موسمیات نے بتایا کہ زلزلے کی گہرائی 180 کلو میٹر زیر زمین تھی۔

محکمہ موسمیات کے مطابق زلزلہ پاکستانی وقت کے مطابق رات 9 بجکر 47 منٹ پر آیا، زلزلے کا مرکز افغانستان میں ہندوکش کا خطہ تھا، مٹی کے تودے گرنے کے باعث شاہراہ قراقرم بھی بندہے۔

پی ڈی ایم اے کے ڈائریکٹرجنرل شریف حسین نے کہا کہ ادارہ ضلعی انتظامیہ اوردیگرمتعلقہ محکموں کے ساتھ رابطے میں ہے، انہوں نے کہاکہ ادارے کاکنٹرول روم چوبیس گھنٹے کام کررہا ہے اورلوگ کسی بھی ہنگامی حالت کی صورت میں 1700 پررابطہ کرسکتے ہیں۔

زلزلے کے جھٹکے ترکمانستان، بھارت، قازقستان، تاجکستان ، ازبکستان، چین، افغانستان کرغزستان میں بھی محسوس کیے گئے۔