مسجد الحرام میں نمازیوں کے بچوں کی دیکھ بھال کی سہولت متعارف

مسجد الحرام میں پہلی بار نمازیوں کے بچوں کیلئے دیکھ بھال کی سہولت متعارف کرا دی گئی۔

غیر ملکی خبر رساں ادارے کے کے مطابق سعودی حکومت کے تعاون اور ان کی نگرانی میں رمضان المبارک کے وسط میں پہلی بار نمازیوں کے بچوں کی دیکھ بھال کی سہولت فراہم کی جارہی ہے۔ اس سہولت کا انتظام مسجدالحرام کی تیسری سعودی توسیع میں کیا گیا ہے۔

"سبق" توثّق أول حضانة لأطفال المعتمرين والزوار بساحات المسجد الحرام.https://t.co/K3RCwe0lsJ pic.twitter.com/SKkOppNY6S

— صحيفة سبق الإلكترونية (@sabqorg) April 14, 2023

اس مرکز میں عمرہ زائرین اور نمازیوں کے بچوں کے 6 برس سے کم عمر کے تقریباً 80 بچوں کی دیکھ بھال کا انتظام کیا گیا ہے تاکہ والدین بیفکر ہوکر اپنی عبادات ادا کر سکیں۔یہ مرکز 24 گھنٹے کام کرتا ہے، یہاں بچوں کے لئے سونے اور کھیلنے کے کمرے بنائے گئے ہیں جبکہ ماہرین بھی بچوں کی نگرانی کے لئے ہر وقت موجود ہوتے ہیں۔