آپ چاچا نہیں بلکہ بوم بوم ہیں،شاہد آفریدی

پاکستان کرکٹ ٹیم کے سابق کپتان اور آل راؤنڈر شاہد آفریدی نے قومی ٹیم کے مڈل آرڈر بلے باز افتخار احمد کو بوم بوم کا لقب دے دیا۔

شاہد آفریدی نیوزی لینڈ کے خلاف تیسرے ٹی 20 میچ میں اپنی جارحانہ اننگز سے پاکستان کو جیت کے قریب لانے والے افتخار احمد کی تعریف کیے بغیر نہ رہ سکے۔اپنے ٹویٹ میں شاہد آفریدی نے افتخار احمد کی جارحانہ بلے بازی پر انہیں شاباشی دیتے ہوئے لکھا کہ افتخار آپ میرے لیے چاچا نہیں ہیں بلکہ آپ بوم بوم ہیں۔

You are not chacha for me @IftiAhmed221 you are boom boom but I wish that you had finished the match and make yourselves a memorable inning. Overall well played, it was good cricket over all, the fans enjoyed. Well done @TheRealPCB and thank you for coming @BLACKCAPS to ??

— Shahid Afridi (@SAfridiOfficial) April 17, 2023

سابق کپتان کا کہنا تھا کہ میری خواہش تھی کہ آپ میچ کو جیت کے ساتھ ختم کرکے اپنی اس اننگز کو ایک یادگار اننگز بناتے لیکن مجموعی طور پر پوری ٹیم نے اچھا کھیلا اور اچھی کرکٹ دیکھنے کو ملی، شائقین نے بھی کل کے میچ سے خوب لطف اٹھایا۔

شاہد آفریدی نے پاکستان کرکٹ بورڈ (پی سی بی) کی کاوش کو بھی سراہا اور ساتھ ہی نیوزی لینڈ کرکٹ ٹیم کے پاکستان آنے پر ان کا شکریہ ادا کیا۔