ملک میں رہنے کےلئے ضمانتوں کی ضرورت پڑ رہی ہے،چوہدری پرویز الہیٰ

پاکستان تحریک انصاف کے صدر اور سابق وزیر اعلیٰ پنجاب چوہدری پرویز الہیٰ نے کہا کہ ملک میں رہنا ہےتو ضمانتوں پر رہنا ہے مجھ پر بھی 17 مقدمات درج کیے گئے ہیں،پولیس والے میرے گھر پر چھاپے میں مہمانوں کو فون بھی لے لئے گئے۔

انہوں نے کہا کہ پورا ملک چیف جسٹس کے ساتھ کھڑا ہےعدلیہ اس نظام کو بچارہی ہے،عدلیہ کو سلام پیش کرتا ہوں۔ لندن میں بیٹھ کرعدلیہ کے خلاف سازش کی جارہی ہے، پی ڈی ایم نے آئین پاکستان کے ساتھ کھلواڑ کیا ہے۔خواجہ آصف خود نہیں بولتے نوازشریف بولتے ہیں پی ڈی ایم حکومت نے پورے ملک کو جیل بنا دیا ہے۔

پرویز الہیٰ نے کہا کہ پاکستان کی تمام بارزمتحد ہیں وکلاء انقلاب لائیں گے اور یہ گھس بیٹھیئے بھاگ جائیں گےعمران خان نے قوم کو ایک جگہ یکجا کرلیا ہے امید ہے کہ اس ہفتے کچھ شارٹ آرڈرز آئیں گے۔عمران خان کے خلاف 123 مقدمات درج ہیں ان کی انتقامی سیاست پوری زندگی ختم نہیں ہونی ان لوگوں کی شرم و حیا ختم ہوچکی ہے

پی ٹی آئی کے صدرکے نے کہا کہ پی ڈی ایم کے پھیلائے گند سے ملک کو کیا فائدہ ہوا؟ 14مئی کو انتخابات نہ ہوئے تو اثرات مرتب ہوں گے۔