مارشل لاء کا کوئی سوال ہی پیدا نہیں ہوتا ہے، فوجی قیادت جمہورت پر یقین رکھتی ہے: ڈی جی آئی ایس پی آر

ترجمان پاک فوج کا کہنا تھا کہ اندرونی شرپسندوں اور بیرونی دشمنوں کی پوری کوشش کے باوجود بھی فوج جنرل سید عاصم منیر کی قیادت میں متحد تھی، متحد ہے اور متحد رہے گی، اس کو تقسیم کرنے کا خواب، خواب ہی رہے گا۔

انہوں نے کہا کہ کسی نے استعفیٰ دیا ہے نہ ہی حکم عدولی کی ہے۔

ایک سوال کے جواب میں ڈی جی آئی ایس پی آر کا کہنا تھاکہ جنرل عاصم منیر اور سینیئر فوجی قیادت دل و جان سے جمہوریت کو سپورٹ کرتی ہے اور کرتی رہے گی، مارشل لا کا کوئی سوال ہی پیدا نہیں ہوتا ہے۔

ان کا کہنا تھاکہ آرمی چیف اور ان کے ساتھ پوری عسکری قیادت جمہوریت پر یقین رکھتی ہے۔