عمران خان کی فردوش شمیم کی گرفتاری پر مذمت

چیئرمین پاکستان تحریک انصاف اور سابق وزیراعظم عمران خان نے کہا کہ فردوس شمیم نقوی نے کینسر جیسے مرض کا پورے وقار اور ہمت سے مقابلہ کیا اور ایسے شخص کو دہشتگردی کے الزام میں زندان میں ڈال کر اہلِ اقتدار نے ظاہر کیا ہے کہ کس قدر گراوٹ کے شکار ہیں۔

پنےٹویٹ میں عمران خان کا کہنا تھا کہ فردوس شمیم نقوی 27 سال قبل میرے ہمسفر اور پاکستان کو ایک منصفانہ اور انسانی اقدار پر مبنی سماج کی صورت میں ڈھالنے کے خواب میں میرے شراکت دار بنے۔

فردوس شمیم نقوی 27 سال قبل میرے ہمسفر اور پاکستان کو ایک منصفانہ اور انسانی اقدار پر مبنی سماج کی صورت میں ڈھالنے کے خواب میں میرے شراکت دار بنے۔ انہوں نے جدوجہد کے تمام نشیب و فراز (جن میں سے ابتدائی 14 برس کا بیشتر حصہ تو بہرحال نشیب ہی پر مشتمل تھا) کا پوری ثابت قدمی سے سامنا… pic.twitter.com/8jUGpNi7zh

— Imran Khan (@ImranKhanPTI) May 21, 2023

سابق وزیراعظم نے کہا کہ فردوس شمیم نقوی نے جدوجہد کے تمام نشیب و فراز کا پوری ثابت قدمی سے سامنا کیا اور ایمان کی پختہ بنیادوں پر استوار مضبوط کردار ہی تھا جو بہت سی مایوسیوں کے باوجود ثابت قدمی کا وسیلہ بنا۔

چیئرمین پی ٹی آئی کا مزید کہنا تھا کہ فردوس شمیم کینسر کے مرض سے شفایابی کے مراحل میں ہیں، انہوں نے اپنے مرض کا بھی پورے وقار اور ہمت سے مقابلہ کیا، ایسے شخص کو دہشتگردی کے الزام میں زندان میں ڈال کر اہلِ اقتدار نے ظاہر کیا ہے کہ کس قدر پستی کے شکار ہیں۔