برطانیہ ، ترک زلزلہ متاثرین کی امداد کے لیےنیلامی کا انعقاد

لندن: برطانیہ میں ترکیہ کے زلزلہ متاثرین کی امداد کے لیے نیلامی کا انعقاد کیا گیا۔

ترک خبررساں ادارے کے مطابق لندن میں ترک سفارتخانے کی میزبانی میں ’’آرٹ فار ریلیف‘‘کے عنوان سے ہونے والی نیلامی میں آرٹ کے شائقین نے گہری دلچسپی ظاہر کی ۔نیلامی میں 29 طلبہ کی پینٹنگ، تصاویر اور مجسمے کے 36 فن پارے فروخت کے لیے پیش کیے گئے۔

منتظمین نے کہا کہ نیلامی سے حاصل ہونے والی تمام رقم برطانیہ میں قائم ڈیزاسٹر ایمرجنسی کمیٹی کے تعاون سے ترکیہ اور شام میں زلزلہ متاثرین کو امداد کے لیے انسانی ہمدردی کی تنظیموں کو بھیجی جائے گی۔