سنگین حالات کی وجہ سے آئین و قانون دم توڑ رہا ہے،شیخ رشید

سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ سیاسی چھتریوں پر آوارہ سیاسی پرندے ادھر سے ادھر بیٹھ رہے ہیں، لیکن دانا کس کو پڑتا ہے فیصلہ ہونا باقی ہے

دنیاالیکشن کروانےکاباربارمشورہ دے رہی ہےلیکن حکومت نتیجےسےباخبر اورخوف زدہ ہےسیاسی استحکام ہی معاشی اوراقتصادی استحکام کوجنم دےسکتاہےحالات اتنےسنگین ہیں کہ آئین وقانون دم توڑرہاہےنون لیگ اپنےسیاسی جال میں خود پھنس گئی ہےمال غنیمت میں حصہ نہیں اوراُڑنےوالےسیاسی پرندےبھی انکاری ہیں

— Sheikh Rashid Ahmed (@ShkhRasheed) June 6, 2023

اپنے ٹویٹ میں شیخ رشید کا کہنا تھا کہ سیاسی استحکام ہی معاشی اور اقتصادی استحکام کو جنم دے سکتا ہے، حالات اتنے سنگین ہیں کہ آئین و قانون دم توڑ رہا ہے، ن لیگ اپنے سیاسی جال میں خود پھنس گئی ہے، پاکستانی کرنسی افغانستان، سری لنکا اور بنگلا دیش سے بھی پیچھے چلی گئی ہے۔

حکومت نے قرضے لینے کے تمام ریکارڈ توڑ دیے خان نے چار سال میں اتنا قرضہ نہیں کیا جتنا انہوں نے ایک سال میں لے لیا پھر کہتے ہیں اسحاق ڈار اور ٹیم تجربہ کار ہے

— Sheikh Rashid Ahmed (@ShkhRasheed) June 6, 2023

انہوں نے کہا کہ 13 جماعتوں کی سیاست تھی کہاں جو داؤ پر لگائی، داؤ پر صرف غریب لگا، اپنی ذات کیلئے قانون بنائے اور کیسوں سے نجات پائی، جو سیاسی کھچڑی پک رہی ہے اس کی ہنڈیا ابھی چولہے پر نہیں چڑھی، جب ہنڈیا اترے گی تو پتا لگے گا کہ کھچڑی بنی یا کھچڑا۔ دنیا الیکشن کروانے کا بار بار مشورہ دے رہی ہے لیکن حکومت نتیجے سے باخبر اور خوف زدہ ہے۔

سیاسی چھتریوں پرآوارہ سیاسی پرندےادھرسےاُدھربیٹھ رہےہیں لیکن دانہ کس کوپڑتاہےفیصلہ ہوناباقی ہےمعاشی سیاسی حالات اس جگہ پہنچ چکےکہ ہم نے25ارب ڈالردنیاکےدینےہیں ہمارےپاس ریزرومیں صرف4ارب ڈالرہیں دیرسویرالیکشن کروانےپڑیں گے13اگست اسمبلیاں توڑنےکےلیےریڈلائن ہےلیکن الیکشن نہیں رک سکتے

— Sheikh Rashid Ahmed (@ShkhRasheed) June 6, 2023

سابق وزیر کا کہنا تھا کہ سیاسی چھتریوں پر آوارہ سیاسی پرندے ادھر سے ادھر بیٹھ رہے ہیں، لیکن دانا کس کو پڑتا ہے فیصلہ ہونا باقی ہے، معاشی، سیاسی حالات اس جگہ پہنچ چکے ہیں کہ ہم نے 25 ارب ڈالر دنیا کے دینے ہیں، ہمارے پاس ریزرو میں صرف 4 ارب ڈالر ہیں۔

سربراہ عوامی مسلم لیگ نے مزید کہا کہ حکومت نے قرضے لینے کے تمام ریکارڈ توڑ دیئے، چیئرمین پی ٹی آئی نے 4 سال میں اتنا قرضہ نہیں لیا جتنا انہوں نے ایک سال میں لے لیا پھر کہتے ہیں اسحاق ڈار اور ٹیم تجربہ کار ہے، دیر سویر الیکشن کروانے پڑیں گے، 13 اگست اسمبلیاں توڑنے کیلئے ریڈ لائن ہے، لیکن الیکشن نہیں رک سکتے۔