پنجاب میں صحت کارڈ پر دل کا علاج اور آپریشنز بند کر دیئے گئے

پنجاب میں صحت کارڈ پر دل کا علاج اور آپریشنز بند کر دیئے گئے۔

انشورنس کمپنی نے یکم جولائی کے بعد نجی اسپتالوں کو دل کے علاج سے روک دیا۔ انشورنس کمپنی نےتمام نجی اسپتالوں کو ہدایات جاری کردیں۔

مراسلے کے مطابق پنجاب حکومت نے مریض سے30 فیصد رقم چارج کرنےکی سفارش کی ہے لہذا آج سے نجی اسپتالوں میں دل کے مریضوں کا علاج صحت کارڈ پر نہیں ہوگا۔مراسلے کے مطابق جب تک پنجاب میں مستحق افراد کا تعین نہیں ہوگا، دل کا علاج صحت کارڈ پر نہیں ہو گا۔

خیال رہے کہ پنجاب حکومت نے پنجاب میں صحت کارڈ منصوبہ محدود کردیا گیا۔ پنجاب مفت آٹا اسکیم میں رجسٹرڈ افراد کارڈ سے مفت علاج کے اہل ہوں گے۔ آج سے صحت کارڈ پرگائنی آپریشنز بند اور نجی اسپتالوں میں دل کے مریضوں کے علاج پر 30 فیصد ادائیگی مریض کو کرنا ہو گی