سی پیک کے حوالے سے احسن اقبال کا بیان افسوسناک اور غیر ذمہ دارانہ ہے،شاہ محمود قریشی

پاکستان تحریک انصاف کے وائس چیئرمین اور سابق وفاقی وزیر خارجہ شاہ محمود قریشی نے کہا ہے کہ سی پیک کے حوالے سے احسن اقبال کا بیان افسوسناک اور غیر ذمہ دارانہ ہے، یہ بات کہ ہمارا آئرن برادر ہمارے اندرونی معاملات میں مداخلت کرے گا، حیران کن اور توہین آمیز ہے

اپنے ٹویٹ میں شاہ محمود قریشی نے کہا کہ چین کا پی ٹی آئی کے ساتھ سی پیک کو آگے لے جانے پر ہمیشہ مضبوط اتفاق رائے رہا ہے، چیئرمین پی ٹی آئی کی قیادت میں ہم نے اپنی حکومت کے تحت سی پیک سے پاکستان کے عزم کو مزید گہرا کرتے ہوئے بہت سے منصوبوں کو کامیابی کے ساتھ شروع کیا۔

The statement made by Ahsan Iqbal with respect to China/CPEC is unfortunate & irresponsible. The insinuation that our iron brother would interfere in our domestic affairs is baffling and insulting.

With @PTIofficial, there has always been strong consensus on taking CPEC…

— Shah Mahmood Qureshi (@SMQureshiPTI) July 9, 2023

شاہ محمود قریشی نے بتایا کہ ہمارے دور فیصل آباد رشکئی انڈسٹریل زونز کو آپریشنل کر دیا گیا، دھابیجی انڈسٹریل زون کو حتمی شکل دی گئی، جو زیر تعمیر ہے۔ اس کے علاوہ آئی ٹی سائنس، ٹیکنالوجی اور زراعت ان تین نئے مشترکہ ورکنگ گروپس پر بات چیت کی اور سی پیک کے فیز 2 میں شامل کیا گیا۔ پاکستان تحریک انصاف کے دور حکومت میں گوادر انڈسٹریل زون کو وسعت دے کر فعال کیا گیا، ،

رہنما تحریک انصاف نے کہا کہ پی ٹی آئی کی حکومت میں زیر تعمیر تمام پاور پلانٹس مکمل کیے گئے، بجلی پیدا کرنے کے منصوبے مکمل کیے اور ٹرانسمیشن پروجیکٹ شامل کیے گئے، اس کے علاوہ ہائی وے کے مزید کئی کلو میٹرز کی تعمیر پی ٹی آئی کی حکومت میں مکمل ہوئی، جب کہ مغربی صف بندی کو حتمی شکل دی گئی، اور کام میں تیزی آئی