عدالت نے شہباز گل کو اشتہاری قرار دینے کا تفصیلی فیصلہ جاری کردیا

ایڈیشنل سیشن جج طاہرعباس سِپرانے 2صفحات پر مشتمل تفصیلی فیصلہ بھی جاری کردیا  جس میں لکھا ہے کہ شہباز گل پہلے کی طرح پھر سے عدالت سے غیر حاضر رہے، انہوں نے وارنٹ منسوخی اور ویڈیو لنک پر حاضری کی درخواست کی۔

تفصیلی فیصلے میں  کہا گیا کہ پولیس نےشہباز گل کےخلاف اشتہاری قرار دینےکی کارروائی سے متعلق رپورٹ بھی جمع کرادی ہے، پولیس کے مطابق شہبازگل کی رہائشگاہ پر گرفتاری کرنے کی کوشش کی گئی،  شہبازگل کی رہائشگاہ پراشتہاری قرار دینےکا اشتہار چسپاں کردیاگیا ہے۔

جج طاہرعباس سِپرا نے ریمارکس دیے کہ شہباز گِل 4 ہفتوں کا کہہ  کر ملک سے روانہ ہوئے تھے، لیکن وہ دراصل ملک سے فرار ہونا چاہتے تھے اب  انہوں نے چالاکیوں سے کام لینا شروع کردیا ہے، شہباز گِل کو مبینہ طور پر  ملک سے فرار کروایا گیا ہے۔

جس پر وکیل شہباز گل  نے کہا کہ شہباز گِل بیماری کی وجہ سے باہر گئے ہیں فرار نہیں ہوئے۔

دوران سماعت ایف آئی اے اور نادرا نے شہباز گل کی پراپرٹیز کی رپورٹ بھی عدالت میں جمع کروا دی۔

جبکہ شہبازگِل کی جانب سے دائر  کی گئء دونوں درخواستیں بھی عدالت نے مسترد کر دیں۔

شہبازگِل نے سماعت سیشن عدالت میں روکنے اور بذریعہ ویڈیو لنک حاضری کی درخواست عدالت میں دائر کی تھی۔

عدالت نے 31 جولائی کو شہبازگِل کو ذاتی حیثیت میں طلب کرلیا۔