صدرکی پاکستان کے مختلف شعبوں میں چین کی جانب سے سرمایہ کاری بڑھانے پر زور

اسلام آباد: صدر ڈاکٹرعارف علوی نے پاکستان کی معیشت کے مختلف شعبوں خاص طورپر خصوصی اقتصادی زونزمیں چین کی جانب سے سرمایہ کاری بڑھانے پرزوردیا ہے تا کہ دوطرفہ معاشی تعاون مزیدمستحکم بنایاجاسکے۔

وہ چینی صدرشی جن پنگ کے خصوصی نمائندے اورنائب وزیراعظم HE LIFENG سے گفتگو کررہے تھے جنہوں نے اپنے وفد کے ہمراہ ایوان صدر میں ان سے ملاقات کی۔ڈاکٹرعارف علوی نے کہاکہ پاکستان زراعت، انفارمیشن ٹیکنالوجی، ٹرانسپورٹ اور ٹیکسٹائل کے شعبوں کی ترقی کے لئے چین کے تعاون کاخواہاں ہے۔

صدر نے تنازعہ جموں و کشمیر پر چین کے اصولی موقف کوسراہا، انہوں نے مشکل گھڑی میں پاکستان کو مالی تعاون فراہم کرنے پر بھی چین کی حکومت کا شکریہ اداکیا۔

صدر نے یقین دلایا کہ پاکستان تام علاقائی وعالمی امورپرچین کی پختہ حمایت جاری رکھے گا۔چین کے نائب وزیراعظم نے ڈاکٹرعارف علوی کوچین کے صدر شی جن پنگ کا نیک خواہشات کاپیغام پہنچایا۔