امریکا اقتصادی کامیابی کے لیے پاکستان کی بھرپور حمایت جاری رکھے گا،انٹونی بلنکن

امریکی وزارت خارجہ کی جانب سے جاری بیان میں پاکستان کو یوم آزادی کی مبارک دیتے ہوئے اس عزم کا اظہار کیا گیا ہے کہ امریکا اقتصادی کامیابی کے لیے پاکستان کی بھرپور حمایت جاری رکھے گا۔

امریکی وزارت خارجہ کی جانب سے جاری بیان میں وزیر خارجہ انٹونی بلنکن نے کہا کہ ریاست ہائے متحدہ امریکا کی حکومت کی طرف سے میں پاکستانی عوام کے ساتھ 14 اگست کو یوم آزادی پر نیک تمناؤں کا اظہار کرتا ہوں۔

Happy Independence Day, Pakistan! Sending warm wishes to Pakistanis celebrating August 14th and looking forward to a flourishing #USPak partnership. https://t.co/rYZI6uUhUC

— State_SCA (@State_SCA) August 14, 2023

امریکی وزارت خانہ کی طرف سے مزید کہا گیا کہ جب ہم تعاون کے نئے سال کا آغاز کر رہے ہیں، اور پاکستان انتخابات کے انعقاد کی تیاری کر رہا ہے، ہم جامع اقتصادی ترقی، توانائی کی سلامتی، اور امن اور علاقائی استحکام کو فروغ دینے کے منتظر ہیں۔ ملک کی معاشی کامیابی کے لیے ہماری حمایت جاری رہے گی۔ ہم جمہوری اصولوں اور قانون کی حکمرانی کے احترام کے عزم کا اشتراک کرتے ہیں جو ہماری شراکت داری کو آگے بڑھاتا رہے گا۔

انٹونی نلنکن نے کہا ہے کہ امریکہ پاکستان کے ساتھ ہمارے 76 سالہ تعلقات کو قدر کی نگاہ سے دیکھتا ہے۔ ہم دونوں ممالک کے لیے مزید خوشحال مستقبل بنانے کے لیے پاکستان اور امریکا کی شراکت داری کو مزید گہرا کرنے کے منتظر ہیں۔ 

As we commemorate Pakistan's ?? 76th Independence Day, Ambassador Blome sends his best wishes to all Pakistanis. Let's celebrate the shared values that unite our nations and look forward to a future of cooperation, progress, and peace. Happy Independence Day, Pakistan! pic.twitter.com/f4jlQQXKS0

— U.S. Embassy Islamabad (@usembislamabad) August 13, 2023

پاکستان میں امریکا کے سفیر ڈونلڈ بلوم نے کہا کہ تمام پاکستانیوں کو اپنی نیک خواہشات بھیجتے ہیں۔ آئیے ان مشترکہ اقدار کا جشن منائیں جو ہم کو متحد کرتی ہیں۔ تعاون، ترقی اور امن کے مستقبل کے منتظر ہیں۔ یوم آزادی مبارک ہو، پاکستان!

امریکی وزارت خارجہ کے محکمۂ برائے جنوبی اور وسطی ایشیا کے امور نے بھی پاکستان کو یوم آزادی پر مبارک باد دیتے ہوئے کہا کہ 14 اگست کا جشن منانے والے پاکستانیوں کے لیے پرتپاک نیک خواہشات کا اظہار کرتے ہیں اور ایک پھلتی پھولتی شراکت کے منتظر ہیں۔