جسٹس قاضی فائز عیسیٰ کا جڑانوالہ کرسچن کالونی کا دورہ

فیصل آباد: جسٹس قاضی فائز عیسیٰ نے اہلیہ سریناعیسیٰ کے ہمراہ جڑانوالہ کے علاقے عیسیٰ نگری کے دورے کے دوران متاثرہ مسیحیٰ برادری سے گفتگو کی اور جلائے جانے والے گھروں اور عبادت گاہوں کا جائزہ لیا۔

جسٹس قاضی فائز عیسیٰ نے دانش سکول کا بھی دورہ کیا جہاں متاثرین کے لیے عارضی کیمپ لگائے گئے ہیں اور متاثرین کے لیے کھانے پینے کی سہولیات بھی میسر کی گئی ہیں۔

جسٹس قاضی فائز عیسیٰ نے سی پی او فیصل آباد کو ہدایت کی ہے کہ ذمہ داران کو قانونی کٹہرے میں لایا جائے اور واقعہ کی شفاف تحقیقات کروائی جائیں۔

یادرہےکہ یہ واقعہ 16اگست کو فیصل آباد کے شہر جڑانوالہ کے علاقے عیسیٰ نگری میں پیش آیا تھا جس میں مسیحی برادری کے معتدد گھروں اورعبادت گاہوں کو جلا دیا گیا تھا۔