کورونا کچھ نہیں محض وقتی زکام ہے، کورونا کا شکار کنگنا رناوت کا بیان سامنے آگیا

بھارتی میڈیا کے مطابق  اداکارہ کنگنا رناوت کا کورونا ٹیسٹ مثبت آگیا ۔ ہفتے کے روز سماجی  رابطے کی ویب سائٹ انسٹا گرام پر انہوں نے  اس خبر کی تصدیق کرتے ہوئےاپنے فالوورزسے کہا کہ طبیعت کی ناسازی پر انہوں نے اپنا  ٹیسٹ کروایا، ٹیسٹ کا نتیجہ مثبت آنے پر اپنےآپ کو قرنطینہ کر لیا ہے ۔

 تفصیلات کے مطابق اداکارہ نے اپنی ایک تصویر کے  عنوان  کے ساتھ لکھا کہ "میں گزشتہ کچھ دنوں سےآنکھوں میں جلن کے ساتھ بہت تھکن محسوس کر رہی تھی اور ہماچل  جانے کا سوچ رہی تھی  ، کل میں نے ٹیسٹ کروایا اور آج نتیجہ مثبت آگیا "۔انہوں نے مزید کہا کہ مجھے انداہ  نہیں تھا کہ یہ وائرس میرے جسم میں  موجود ہے ۔ مگر اب  تشخیص ہو چکی ہے تو میں اسے شکست دے دوں گی۔  لوگ اسے اپنے آپ پر حاوی نہ ہونے دیں ،اگرآپ اس سے خوفزدہ ہیں تو یہ آپ کو زیادہ خوفزدہ کرے گا ۔یہ ایک وقتی زکام کے سِوا کچھ نہیں ہے جسے بہت اہمیت دی جا رہی ہے "۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Kangana Ranaut (@kanganaranaut)

اداکارہ کے اس بیان کی وجہ سے انہیں سوشل میڈیا پر آڑے ہاتھوں لیا جارہا ہے  ،اس سے  قبل بھی انہیں  متعدد بار ماسک  نہ  پہننے  اور بنیادی  کورونا پروٹوکولز پر عمل سے انکار  کرنے پر  تنقید کا نشانہ  بنایا جاتا رہا ہے  ۔  بالی وڈ اداکارہ کنگنا رناوت اپنے بے باک اور  متنازع بیانات کے لیے خبروں کی زینت بنی رہتی ہیں    اور گذشتہ روز ان کے کئی متنازع ٹویٹ سامنے آئے جس کے بعد اب ان کا ٹوئٹر اکاؤنٹ بند کر دیا گیا ۔

واضح رہے کہ  بھارت میں کورونا سے اموات اور کیسز کی صورتحال انتہائی سنگین ہوتی جارہی ہے ، بھارت میں کورونا سے متاثرہ افراد کی تعداد دو کروڑ 18 لاکھ 92 ہزار سے زائد ہے اور 2 لاکھ 38 ہزار 270 افراد جان کی بازی ہار چکے ہیں۔