اصل مسئلہ غربت اور بے روزگاری ہے جس پر کوئی توجہ نہیں دے رہا،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ مولانا فضل الرحمان پیپلز پارٹی پر اور پیپلز پارٹی نون لیگ پر ملبہ ڈال رہی ہے جبکہ اصل مسئلہ غربت اور بیروزگاری ہے جس پر نہ کوئی بات کر رہا ہے نہ کوئی توجہ دے رہا ہے

اپنے ٹویٹ میں شیخ رشید نے کہا کہ مسئلہ اب سیاست نہیں رہا سنگین معاشی حالات بن گیا ہے اشہباز شریف اقتدار میں ہو تو سات سات فنکشن کرتا ہے اقتدار سے اترتا ہے تو سیدھا لندن جاتا ہے اور بیمار ہو جاتا ہے، نواز شریف کو پہلے ہی کئی سالوں سے سیاسی بیماری ہے۔

مولانا فضل الرحمان ppp پر اور ppp نون لیگ پر ملبہ ڈال رہی ہے جبکہ ان نااہلوں کی وجہ سے سارا ملبہ غریب عوام پر گر گیا ہے اصل مسئلہ غربت اور بیروزگاری ہے جس پر نہ کوئی بات کر رہا ہے نہ کوئی توجہ دے رہا ہے شہباز شریف اقتدار میں ہو تو سات سات فنکشن کرتا ہے اقتدار سے اترتا ہے تو…

— Sheikh Rashid Ahmed (@ShkhRasheed) September 8, 2023

انہوں نے کہا کہ پیپلز پارتی کی اہم قیادت اور نون لیگ کی اہم قیادت ملک چھوڑ کر جا چکی ہے اور اُنہیں قوم کے جذبات اور عوام کے غیض و غضب کا علم ہے، مولانا فضل الرحمان پیپلز پارٹی پر اور پیپلز پارٹی نون لیگ پر ملبہ ڈال رہی ہے جبکہ ان نااہلوں کی وجہ سے سارا ملبہ غریب عوام پر گر گیا ہے

سربراہ عوامی مسلم لیگ نے مزید کہا کہ جو لوگ بجلی کے بلوں اور چینی آٹا کی مہنگائی پر سڑکوں پر آئے ہیں وہ کسی لیڈر یا پارٹی کے کہنے پر نہیں آئے اپنی بقاء کے لیے سڑکوں پر آئے ہیں لوگ اپنے مسائل کے حل کے لیے کسی کی طرف نہیں دیکھ رہے آسمان کے فیصلے کی طرف دیکھ رہے ہیں کیونکہ غربت اور مہنگائی کے ہاتھوں غریب کا چولہا بھی نہیں جل رہا۔