15ویں سالگرہ پر گوگل کا ویب براؤزر ری ڈیزائن کرنے کا اعلان

گوگل کروم کی 15 سال مکمل ہونے پر کمپنی نے ویب براؤزر کے نئے ڈیزائن اور چند نئے فیچرز کو متعارف کرانے کا اعلان کیا ہے

گوگل کی جانب سے اپنی ایک ٹویٹر پوسٹ میں اعلان کیا گیا کہ ڈیسک ٹاپ کے لیے کروم کو ری ڈیزائن کیا جا رہا ہے۔ گوگل کروم میں نئے تھیم اور کلر آپشنز ری ڈیزائن براؤزر کا حصہ ہوں گے جبکہ ویب براؤزر کے آئیکونز کو بھی اپ ڈیٹ کیا جا رہا ہے۔

Lots to celebrate in September, including another milestone close to my heart: 15 years of Chrome! Debuting a new look on desktop with a more modern design, easier navigation + customization options, improved malware and phishing protections + much more! https://t.co/fYRqTDZ4JO pic.twitter.com/CwJLvCRmcp

— Sundar Pichai (@sundarpichai) September 7, 2023

گوگل کمپنی کے سی ای او کا کہنا تھا کہ گوگل کی جانب سے کروم مینیو کو بھی تبدیل کیا جا رہا ہے تاکہ صارفین کے لیے مختلف فیچرز اور آپشنز جیسے گوگل ٹرانسلیٹ اور ایکسٹینشنز کا استعمال آسان ہو جائے۔

کمپنی کی جانب سے کروم ویب اسٹور کو بھی ری ڈیزائن کیا جا رہا ہے جبکہ سائیڈ بار میں ایک فیچر بھی صارفین کو دستیاب ہوگا تاکہ کسی سائٹ سورس کے حوالے سے انہیں اضافی معلومات تک رسائی حاصل ہو سکے۔

گوگل کے مطابق کروم پر سیف براؤزنگ کو بھی اپ گریڈ کیا جا رہا ہے تاکہ صارفین کو میل وئیر اور دیگر آن لائن خطرات سے تحفظ مل سکے۔

خیال رہے کہ گوگل کروم کو ستمبر 2008 میں متعارف کرایا گیا تھا۔