برطانوی ہائی کمشنر کے اسلام آباد سے کچرا اٹھانے پر وسیم اکرم شرمندہ

تفصیلات کے مطابق کرسچن ٹرنرنے چند روزقبل مارگلہ کی پہاڑیوں پرچہل قدمی کرتے ہوئے وہاں پھیلی گندگی اور پلاسٹک بیگز اکھٹے کرتے ہوئے اپنی تصاویر شیئرکی تھیں۔ تازہ ٹویٹ میں انہوں نے اپنی تصویرشیئرکی جس میں وہ کوڑا کرکٹ اور پلاسٹک سے بھرے بیگز اٹھائے کھڑے ہیں، جو انہوں نے صبح کی چہل قدمی کے دوران جمع کیا۔

برطانوی ہائی کمشنر نے کیپشن میں ہیش ٹیگز کے ساتھ لکھا ‘ صفائی نصف ایمان ہے ‘۔

Now this is really embarrassing. Where are we heading ? And thanks Mr Turner for doing this almost every week . #safaainisfimaan https://t.co/38wCd9o3J5

— Wasim Akram (@wasimakramlive) May 7, 2021

یہ صورتحال دیکھ کر گزشتہ 2 سال سے اہلیہ شنیرااکرم کے ساتھ کراچی کے ساحل سمندرکی صفائی کیلئے سرگرم وسیم اکرم نے اپنی ٹویٹ میں سوال اٹھایا ‘ یہ واقعی شرمناک ہے، ہم کس جانب جا رہے ہیں ؟ ‘۔

سابق کپتان نے ہر ہفتے وہاں کی صفائی کرنے پر کرسچن ٹرنرکاشکریہ بھی ادا کیا اور انہی کی طرح واضح کیا ‘ صفائی نصف ایمان ہے ‘۔

ڈاکٹر ٹرنر نے اسلام آباد کے ڈپٹی کمشنر حمزہ شفقات کو بھی ٹیگ کیا تھا جنہوں نے “زبردست” کہتے ہوئے ہائی کمشنر کی تعریف کی۔

تاہم سوشل میڈیاصارفین نے حمزہ شفقات کو تنقید کا نشانہ بناتے ہوئے کہا کہ یہ ان کی جانب سے کام سے غفلت برتنے کا نتیجہ ہے۔ بعد ازاں شفقات محمود نے واضح کیا کہ انہیں غلط سمجھا گیا۔

انہوں نے لکھا کہ ‘ یہ سراسرغلط فہمی ہے، میں صرف ڈاکٹرکرسچن کی اسلام آباد کو صاف ستھرا رکھنے کی کوششوں کی تعریف کر رہا تھا ‘۔

This comment is grossly misunderstood. I was just appreciating the efforts of @CTurnerFCDO to keep Islamabad clean. I would request everyone to not litter in forests. It is everyone's responsiblity to keep their surroundings clean. https://t.co/1gdhwiai8C

— Muhammed Hamza Shafqaat (@hamzashafqaat) May 7, 2021

حمزہ نے مزید کہا کہ میں ہر ایک سے درخواست کروں گا کہ جنگل میں کچرا نہ پھینکیں، اپنے اطراف کو صاف رکھنا ہرایک کی ذمہ داری ہے۔

بعد ازاں ڈی سی اسلام آباد نے یہ بھی بتایاکہ صفائی کرنے والی ٹیموں نے آج (جمعہ) کو 1600 ٹن کچرا اٹھایا۔ انہوں نے اپیل کی کہ برائے مہربانی سب یاد رکھیں کہ صفائی کیلئے ہم سب ذمہ دار ہیں نہ کہ برطانوی ہائی کمشنر۔

سوشل میڈیا صارفین نے اپنے تبصروں میں برطانوی ہائی کمشنر کے اس عمل کو خوب سراہا۔