ترک صدر رجب طیب اردوان سے ٹیسلا کے سی ای او ایلون مسک کی ملاقات

ترک صدر رجب طیب اردوان سے ٹیسلا کے سی ای او ایلون مسک کی ملاقات ،اردوان نے ایلون مسک کو ترکیہ میں ٹیسلا فیکٹری کھولنے کی دعوت دے دی۔

President Erdogan meets Elon Musk in New York, invites him to Türkiye

During meeting, Turkish president calls on Tesla to establish its seventh factory in Türkiye, says Türkiye's Communications Directorate https://t.co/obO8AjOh3C pic.twitter.com/44hiDL9o5o

— Anadolu English (@anadoluagency) September 18, 2023

ترک میڈیا کے مطابق  ترک صدر رجب طیب اردوان نے ٹیسلا کے سی ای او ایلون مسک سے کہا کہ وہ ترکیہ میں ٹیسلا کار کی ساتویں فیکٹری کھولیں۔ اردوان نے نیویارک میں اقوامِ متحدہ کے قریب ایک فلک بوس عمارت ترک ہاؤس میں ملاقات کے دوران مسک سے یہ بات کہی۔ اردوان اقوام متحدہ کی جنرل اسمبلی کے 78ویں اجلاس میں شرکت کے لیے اس وقت امریکا میں ہیں۔

A picture of Lil X and I with the Turkish President! pic.twitter.com/p3gmIPIAkI

— Elon Musk (Parody) (@ElonMuskAOC) September 18, 2023

ٹیسلا نے اگست میں بھارت میں ایک ایسی فیکٹری بنانے میں دلچسپی ظاہر کی جو کم لاگت والی الیکٹرک گاڑی (ای وی) تیار کرے۔ ٹیسلا کے اس وقت چھ کارخانے ہیں اور وہ میکسیکو میں شمالی نیو لیون ریاست میں ساتواں کارخانہ تعمیر کر رہی ہے جو برقی کار ساز کمپنی کے عالمی سطح پر موجودگی کو بڑھانے کی کوشش کا حصہ ہے۔

مسک نے مئی میں کہا تھا کہ کار ساز کمپنی ممکنہ طور پر اس سال کے آخر تک نئی فیکٹری کے لیے جگہ کا انتخاب کر لے گی۔ اس سال اب تک ٹیسلا کے حصص میں 123 فیصد اضافہ ہوا ہے اور کار ساز کمپنی نے ہفتے کے روز کہا کہ اس نے اپنی پچاس لاکھویں کار تیار کی تھی۔