آسٹریلوی کرکٹر ڈیوڈ وارنراور مائیکل سلیٹر آپس میں الجھ پڑے

تفصیلا ت کے مطابق  کورونا کی بگڑتی صورتِ حال کے باعث آئی پی ایل ملتوی کر دیا گیا تھا اور آسٹریلیا  نے اپنی  سرحد بھارت  کے لئے بند کردی تھی جس کی وجہ سے 40 کے قریب   آسٹریلوی کرکٹرز، کوچز اور کمنٹیٹرز اس وقت مالدیپ میں   مقیم ہیں اور اپنی حکومت کی جانب سے فضائی سروس کے بحالی کا انتظار  کر رہےہیں تاکہ اپنے ملک واپس لوٹ سکیں تاہم اب فراغت کی وجہ  سےکھلاڑی فرسٹریشن کا شکار ہونے لگے ہیں۔

غیر ملکی میڈیا کے مطابق  سن رائزرز حیدرآباد کے  کپتان اور آسٹریلوی اوپنر ڈیوڈ وارنر مالدیپ میں اپنے  دوست سابق کرکٹر مائیکل سلیٹر کے ساتھ  جھگڑ پڑے، دونوں کے درمیان جھگڑے کی وجہ  توسامنے نا آسکی تاہم یہ خبر سوشل میڈیا پر  گردش کرنے لگی کہ دونو ں کھلاڑیوں میں ہاتھا پائی ہوئی، جس پر سلیٹر اور وارنر دونوں ہی صفائیاں دینے لگے۔ سلیٹر کا کہنا ہےکہ اس خبر میں کوئی بھی حقیقت نہیں ہےیہ صرف افواہ  ہےاور میں اور وارنر دونوں ہی بہت اچھے دوست ہیں،ہم میں لڑائی کا سوال ہی پیدا نہیں ہوتا۔

 دوسری جانب وارنر   یہ کہتے  نظر آئےکہ ایسا کوئی بھی ڈرامہ نہیں ہوا ، مجھے نہیں  معلوم کہ آپ کو یہ باتیں کس نے بتائی ہیں، جب تک آپ خود اپنی آنکھوں سے نہ دیکھ لیں آپ کو ایسا نہیں لکھنا چاہیے۔

 واضح رہے کہ سلیٹر نے بھارت سے مالدیپ روانہ ہوتے ہوئے اپنے ملک کے وزیراعظم اسکاٹ موریسن کو بارڈر بند کرنے پر شدید تنقید کا نشانہ بناتے ہوئے سوشل میڈیا پر کہا تھا کہ لوگوں کا خون آپ کے ہاتھ پر ہے، جس پر موریسن نے جواب دیا تھا کہ انھوں نے یہ فیصلہ ملک کو کورونا وائرس کی تیسری لہر سے بچانے کے لئےکیا ہے۔