پاکستان
پاک افغان سرحد پر دراندازی کی کوشش ناکام بناتے ہوئے 4 فوجیوں نے جام شہادت نوش کیا، آئی ایس پی آر
فائرنگ کے تبادلے کے دوران 3 دہشت گردوں کو بھی جہنم واصل کر دیا گیا ہے
![پاک افغان سرحد پر دراندازی کی کوشش ناکام بناتے ہوئے 4 فوجیوں نے جام شہادت نوش کیا، آئی ایس پی آر](/media/81377/conversions/ispr-1280x720.jpg)
اسلام آباد: پاکستان اور افغانستان کی بین الاقوامی سرحد پر صوبہ بلوچستان کے ضلع ژوب کے قریب دہشت گردوں کی دراندازی کی کوشش کو بہادری سے ناکام بناتے ہوئے پاک فوج کے 4 جوانوں نے جام شہادت نوش کیا اور فائرنگ کے تبادلے کے دوران 3 دہشت گردوں کو بھی جہنم واصل کر دیا گیا ہے۔
پاک فوج کے شعبہ تعلقات عامہ(آئی ایس پی آر) کے مطابق گزشتہ روز پاک افغان سرحد پر سکیورٹی فورسز نے ضلع ژوب میں سمبازہ کے قریب تحریک طالبان پاکستان (ٹی ٹی پی) کے دہشت گردوں کی افغانستان سے پاکستان میں دراندازی کی کوشش کو ناکام بنا دیا۔
شہید فوجیوں کی شناخت حوالدار ستار، لانس نائیک شیر اعظم، لانس نائیک عدنان اور سپاہی ندیم کے نام سے ہوئی جنہوں نے بہادری سے لڑتے ہوئے شہادت کو گلے لگایا۔فائرنگ کے تبادلے کے دوران تین دہشت گرد واصل جہنم ہو گئے اور چند زخمی ہو گئے۔ آئی ایس پی آر نے کہا کہ پاکستان کی سیکیورٹی فورسز ملک میں امن اور خوشحالی کے دشمنوں کی کوششوں کو ناکام بناتے رہیں گے۔
صحت
مریم نوا ز کا ہیپاٹائٹس بی اور سی کے مریضوں میں تیزی سے اضافے پرتشویش کااظہار
وزیراعلی نے کہاکہ ہیپاٹائٹس کی روک تھام کیلئے ویکسی نیشن کے ساتھ ساتھ مفت تشخیص کی سہولیات بھی دستیاب ہیں
![مریم نوا ز کا ہیپاٹائٹس بی اور سی کے مریضوں میں تیزی سے اضافے پرتشویش کااظہار](/media/113072/conversions/news-1720263847-3945-1280x720.jpg)
پنجاب کی وزیراعلی مریم نوازشریف نے ہیپاٹائٹس کے خلاف جدوجہد میں عوامی آگاہی اور حفاظتی اقدامات کی ضرورت پر زوردیا ہے۔
آج ہیپاٹائٹس کے عالمی دن کے موقع پر اپنے پیغام میں انہوں نے ہیپاٹائٹس بی اور سی کے مریضوں میں تیزی سے اضافے پرتشویش کااظہار کیا۔
انہوں نے زوردیا کہ آلودگی سے پاک ماحول اور پینے کے صاف پانی سے بہت سی بیماریوں سے بچا جاسکتا ہے۔
وزیراعلی نے کہاکہ ہیپاٹائٹس کی روک تھام کیلئے ویکسی نیشن کے ساتھ ساتھ مفت تشخیص کی سہولیات بھی دستیاب ہیں۔
کھیل
پیرس اولمپک گیمز 2024 میں پہلا طلائی تمغہ چین کے ایتھلیٹس نے جیت لیا
پیرس اولمپک گیمز 2024 میں کھیلوں کے دوران طلائی تمغوں کے 329 مقابلے ہوں گے، چین نے شوٹنگ میں پہلا طلائی تمغہ آج صبح حاصل کر لیا ہے
![پیرس اولمپک گیمز 2024 میں پہلا طلائی تمغہ چین کے ایتھلیٹس نے جیت لیا](/media/113065/conversions/Gold-Medil-1280x720.jpg)
پیرس اولمپک گیمز 2024 میں پہلا طلائی تمغہ چین کے ایتھلیٹس نے جیت لیا۔
10 میٹر ایئر رائفل ایونٹ ڈبلز میں چین کے ایتھلیٹس نے طلائی تمغہ حاصل کیا۔
پیرس اولمپک گیمز 2024 میں کھیلوں کے دوران طلائی تمغوں کے 329 مقابلے ہوں گے، چین نے شوٹنگ میں پہلا طلائی تمغہ آج صبح حاصل کر لیا ہے۔
برطانوی جوڑی سیونیڈ میک انٹوش اور مائیکل بارجرون 10 میٹر ایئر رائفل ایونٹ کے کوالیفائنگ مرحلے سے باہر ہوگئے۔
نوجوان ہوانگ یوٹنگ اور شینگ لیہاؤ نے چین کے لئے متوقع بڑے تمغوں میں سے پہلا طلائی تمغہ جیتا، ان دونوں کی جوڑی ٹوکیو 2020 کے اولمپک گیمز میں دوسرے نمبر پر رہی تھی اور امریکہ کے شوٹرز نے میڈل حاصل کیا تھا۔
پاکستان
وفاقی وزارت تعلیم نے موسم گرما کی تعطیلات میں اضافہ کردیا
اس حوالے سے وفاقی وزارت تعلیم کا کہنا ہے کہ شدید گرم موسم کے تحت تعطیلات بڑھائی گئی ہیں۔ تعلیمی ادارے 4 اگست تک بند رہیں گے
![وفاقی وزارت تعلیم نے موسم گرما کی تعطیلات میں اضافہ کردیا](/media/113075/conversions/814075_62248811-1280x720.jpg)
وفاقی وزارت تعلیم نے موسم گرما کی تعطیلات بڑھا دی ہیں۔
اس حوالے سے وفاقی وزارت تعلیم کا کہنا ہے کہ شدید گرم موسم کے تحت تعطیلات بڑھائی گئی ہیں۔ تعلیمی ادارے 4 اگست تک بند رہیں گے۔
وفاقی وزارت تعلیم کی جانب سے نوٹیفکیشن جاری کردیا گیا ہے۔ جس میں کہا گیا ہے کہ تعلیمی سرگرمیاں 5 اگست سے بحال ہوں گی۔
-
پاکستان ایک دن پہلے
فواد چوہدری کا جماعت اسلامی اور جے یو آئی کامیاب سیاست کیلئے مشورہ
-
پاکستان 7 گھنٹے پہلے
وفاقی وزارت تعلیم نے موسم گرما کی تعطیلات میں اضافہ کردیا
-
علاقائی ایک دن پہلے
کراچی میں کل 24 گھنٹے گیس بند رہے گی، شیڈول جاری
-
دنیا ایک دن پہلے
سعودی عرب اور سوڈان کے قریب بحیرہ احمر میں زلزلے کے جھٹکے
-
پاکستان 19 گھنٹے پہلے
روس نے پاکستان سٹیل ملز کی بحالی کیلئے مدد کی پیشکش کر دی
-
پاکستان 19 گھنٹے پہلے
جماعت اسلامی نے حکومت کی مذاکرات کی پیشکش قبول کر لی، کمیٹی تشکیل
-
پاکستان 6 گھنٹے پہلے
مولانا ہدایت اللہ کا پیپلزپارٹی کی سربراہی میں حکومت سے علیحدگی کا اعلان
-
تجارت 2 دن پہلے
ملک میں سونے کی قیمت میں ایک بار پھر اضافہ