سی پیک منصوبوں نے پاکستانی معیشت کوایک نئی جہت دی ہے،وزیراطلاعات

اطلاعات و نشریات کے نگران وزیر مرتضیٰ سولنگی نے کہا ہے کہ چین پاکستان اقتصادی راہداری کے تحت مختلف شعبوں میں چینی سرمایہ کاری سے شروع کئے گئے منصوبوں نے پاکستانی معیشت کو ایک نئی جہت دی ہے۔

چائنہ ریڈیو انٹرنیشنل سے گفتگو کرتے ہوئے انہوں نے کہا کہ چین پاکستان اقتصادی راہداری کے تحت بنیادی ڈھانچے کی ترقی اور نقل و حمل کے متعدد منصوبے پہلے ہی مکمل ہو چکے ہیں اور اب تعاون کے نئے دور میں ایم ایل ون ریلوے لائن جیسے منصوبے شروع کئے جا رہے ہیں۔

وفاقی وزیر نے کہا کہ چھبیس ارب ڈالر مالیت کے منصوبے شروع کئے جا چکے ہیں اور متعدد نئے منصوبوں پر عملدرآمد شروع ہونے والا ہے۔