ایکس کا نیا فیچر ،خبر کا لنک پوسٹ کرنے پر ہیڈ لائن نظر نہیں آئے گی

کیلیفورنیا: ایکس جسے پہلے ٹوئٹر کے نام سے جانا جاتا تھا، ایکس نے اپنے پلیٹ فارم میں اچانک ایک عجیب تبدیلی کی ہے جس کے تحت جب کوئی خبر کا لنک پوسٹ کیا جائے گا تو اس کی سرخی (ہیڈ لائن ) نظر نہیں آئے گی۔

ایکس کے مالک ایلون مسک کے مطابق اس سے پوسٹس بہتر نظر آئیں گی۔

اب جب X پر کوئی لنک پوسٹ کیا جائے گا تو خبر میں شامل تصویر صارف کے سامنے آئے گی جس کے بائیں کونے میں ویب سائٹ کا ڈومین لکھا ہوگا لیکن تصویر پر کلک ہونے کی نشاندہی کرنے کے لیے اور کچھ نہیں ہوگا۔

I almost never read legacy news anymore.

What’s the point of reading 1000 words about something that was already posted on ? several days ago?

— Elon Musk (@elonmusk) October 3, 2023

آپ کو دوسری ویب سائٹ پر بھیج دیا جائے گا۔یہ تبدیلی آئی او ایس اور ڈیسک ٹاپ صارفین کے لیے کی گئی ہے اور صارفین کے لیے یہ اندازہ لگانا مشکل ہو جائے گا کہ کون سی تصویر خبر ہے اور کون سی نارمل۔ لنک پوسٹس سے سرخیوں کو ہٹانے کا فیچر اگست سے جاری کیا گیا  ہے۔ اس موقع پر ایلون مسک نے کہا یہ براہ راست ہماری طرف سے آرہا ہے۔