کوئٹہ:کانگو وائرس سے ایک اور مریض دم توڑ گیا

کوئٹہ کے فاطمہ جناح اسپتال میں زیر علاج کانگو وائرس کا ایک اور مریض دم توڑ گیا جبکہ وائرس میں مبتلا مزید دو مریضوں کو ہسپتال منتقل کر دیا گیا۔

 رواں سال اب تک کانگو وائرس کے 39 کیس رپورٹ ہوئے ہیں جبکہ 14 افراد اس وائرس سے جاں بحق ہو چکے ہیں

35 سالہ علی محمد کوئٹہ کے فاطمہ جناح اسپتال میں زیر علاج تھا، جس کی حالت تشویشناک ہو گئی تھی اور اس نے آج دم توڑ دیا۔ 

فاطمہ جناح اسپتال انتظامیہ کے مطابق کانگو وائرس میں مبتلا 2 مریضوں کو علاج کے لئے اسپتال منتقل کیا گیا تھا، جن میں 35 سالہ علی محمد اور 20 سالہ راز محمد تھے جن کا تعلق کوئٹہ سے ہے۔ تاہم ان میں سے ایک مریض نے آج ہی دم توڑا ہے۔