ایرانی سماجی کارکن نے امن کا نوبل انعام جیت لیا

امن کے نوبل انعام  کا اعلان کر دیا گیا ہے جو ایران سے تعلق رکھنے والی سماجی کارکن نرگس محمدی نے جیتا ہے۔

امن کا نوبل انعام ایران کی سماجی کارکن نرگس محمدی کے نام رہا۔ نرگس محمدی کو ایران میں خواتین کے حقوق کے لئے آواز اٹھانے پر امن  کا نوبل انعام دیا گیا ہے۔ نرگس محمدی اس وقت انرانی جیل میں قید ہیں۔ ایران کے انسانی حقوق کے سرکردہ کارکناں میں سے ایک نرگس محمدی نے خواتین کے حقوق اور سزائے موت کے خاتمے کے لیے مہم چلائی ہے۔

محمدی کو آزادی کی مجاہدہ کے طور پر سراہتے ہوئے ناروے کی نوبیل کمیٹی کی سربراہ نے اپنی تقریر کا آغاز فارسی میں زن، زندگی، آزادی کے الفاظ کہہ کر کیا - جو ایرانی حکومت کے خلاف پرامن احتجاج کے نعروں میں سے ایک ہے۔

BREAKING NEWS
The Norwegian Nobel Committee has decided to award the 2023 #NobelPeacePrize to Narges Mohammadi for her fight against the oppression of women in Iran and her fight to promote human rights and freedom for all.#NobelPrize pic.twitter.com/2fyzoYkHyf

— The Nobel Prize (@NobelPrize) October 6, 2023

بیرٹ ریس اینڈرسن نے حوالہ دیتے ہوئے کہا کہ ناروے کی نوبیل کمیٹی نے 2023 کا امن کا نوبیل انعام نرگس محمدی کو دینے کا فیصلہ کیا ہے جو ایران میں خواتین کے ساتھ ہونے والے جبر کے خلاف اور سب کے لیے انسانی حقوق اور آزادی کے فروغ کے لیے ان کی جدوجہد کے لیے ہے۔

انسانی حقوق کی تنظیم فرنٹ لائن ڈیفنڈرز کے مطابق محمدی اس وقت تہران کی ایون جیل میں تقریباً 12 سال قید کی متعدد سزائیں کاٹ رہی ہیں۔ یہ ان کئی سزاؤں میں سے ایک ہے جس کی بنا پر وہ سلاخوں کے پیچھے ہیں۔ ان پر لگائے گئے الزامات میں ریاست کے خلاف پروپیگنڈہ پھیلانا بھی شامل ہے۔

نرگس محمدی 2003 کی نوبیل امن انعام یافتہ شیریں عبادی کی زیرِ قیادت ایک غیر سرکاری تنظیم ڈیفنڈرز آف ہیومن رائٹس سینٹر کی نائب سربراہ ہیں۔

نرگس محمدی 122 سال پرانا انعام جیتنے والی 19 ویں خاتون ہیں اور فلپائن کی ماریہ ریسا جنہوں نے 2021 میں روس کے دمتری موراتوف کے ساتھ مشترکہ طور پر یہ ایوارڈ جیتا تھا، ان کے بعد انعام جیتنے والی پہلی خاتون ہیں۔

11 ملین سویڈش کراؤن یا تقریباً 1 ملین ڈالر کی مالیت کا حامل نوبیل امن انعام 10 دسمبر کو اوسلو میں سویڈن کے صنعت کار الفریڈ نوبل کی برسی کے موقع پر پیش کیا جائے گا جنہوں نے اپنی 1895 کی وصیت میں ایوارڈز کی بنیاد رکھی تھی۔