پاکستان کی فارما صنعت میں تاریخی سنگِ میل، ملک عالمی معیار کے جدید پیداواری پلانٹ کا آغاز

ویب ڈیسک:پاکستان کی فارما صنعت میں ایک اور تاریخی سنگِ میل عبور ، ہائی نون کے عالمی معیار کے جدید پیداواری پلانٹ کا آغاز کردیا گیا ہے ۔
تفصیلات کے مطابق ایس آئی ایف سی کے جامع فریم ورک کے تحت صنعت کے شعبہ کو بین الاقوامی معیار سے ہم آہنگ بنانے کا سلسلہ جاری ہے۔
ایس آئی ایف سی کی موثر سہولت کاری سے سپیشل اکنامک زونزمیں "گرین فیلڈ صنعت کاری" کو بھرپور فروغ اور نئی رفتار حاصل ہو رہی ہے۔

ہائی نون لیبارٹریز نے حال ہی میں "پروجیکٹ فورس "کے تحت پہلے ایف ڈی اے اور یورپی یونین معیار کے مطابق پلانٹ کا سنگِ بنیاد رکھا۔جبکہ قائداعظم بزنس پارک، شیخوپورہ میں قائم یہ گرین فیلڈ مینوفیکچرنگ توسیعی یونٹ قومی صنعت کیلئے اہم سنگِ میل ہیں۔

 منصوبے کا مقصد عالمی معیار کی جدید اور موثر ادویات ساز سہولت فراہمی اور مقامی و عالمی منڈیوں میں موثر رسائی کو وسعت دینا ہے،نیا پلانٹ بین الاقوامی معیار سے ہم آہنگ ہوگا، جس سے پاکستانی ادویات کی عالمی ساکھ مزید مستحکم ہوگی۔ 

ہائی نون لیبارٹریز کی یہ پیش رفت ملکی فارماسیوٹیکل صنعت کی ترقی اور برآمدی امکانات کے فروغ کیلئے اہم قدم ہے۔

ایس آئی ایف سی کے تعاون سے عالمی معیار کے گرین فیلڈ فارما منصوبوں کا آغاز، صنعتی ترقی اور مسابقتی صلاحیت کو نئی جہت دے رہا ہے۔