عوامی نیشنل پارٹی کے مرکزی رہنما غلام احمد بلور کی جاتی امراء آمد

اے این پی کے رہنما غلام احمد بلور جاتی امراء آمد، نواز شریف سے ملاقات کی اجازت نہ مل سکی۔

نواز شریف کی چار سال بعد اپنے گھر واپسی تمام اہلخانہ کیلئے عید کا سماں بن گئی، ان کی ہمشیرہ سمیت شریف خاندان کے تمام افراد نے ان کا استقبال کیا،اس موقع پر جذباتی مناظر دیکھنے کو ملے۔

عوامی نیشنل پارٹی کے مرکزی رہنما غلام احمد بلور کی جاتی امراآمد#GNN #BreakingNews #NewsUpdates #GNN_Updates pic.twitter.com/zfvEckByh9

— GNN (@gnnhdofficial) October 22, 2023

تاہم دوسری جانب اے این پی کے رہنما غلام احمد بلور جاتی امرا پہنچے تو انہیں نواز شریف سے ملاقات کی اجازت نہ مل سکی، وہ انتظار کرکے باہر سے ہی چلے گئے۔

اجازت نہ ملنے پر وضاحت پیش کرتے ہوئے غلام احمد بلور نے میڈیا کو بتایا کہ میں بغیر اطلاع جاتی امرا آیا تھا، نواز شریف کا جلسہ بہت بڑا تھا میں خود بھی ٹریفک میں پھنسا رہا، پیغام آیا ہے کہ نواز شریف اہل خانہ سے ساتھ مصروف ہیں۔

غلام بلور کا کہنا تھا کہ نواز شریف نے 1992 میں بھی ملک کو معاشی عدم استحکام سے نکالا، امید ہے اب بھی ملک کے لیے کچھ اچھا کریں گے۔