اسرائیلی بربریت کی حمایت کرنے پر شنیرا اکرم ، کنگنا رناوت پر برہم

تفصیلات کے مطابق  اداکارہ کنگنا رناوت کی جانب سے گزشتہ دنوں اپنے سوشل میڈیا اکاؤنٹس کا استعمال کرتے ہوئے مسلمانوں کے خلا ف زہر اُگلا گیا تھا۔ کنگنا رناوت نے تمام مسلمانوں کو دہشت قرار دیتے ہوئے اسرائیل کی جانب سے فلسطین میں جاری بربریت کی بھی حمایت کی اور اسرائیل کی حمایت  کرنے کے لیے استعمال کیے جانے والا ہیش ٹیگ کا بھی استعمال کیا تھا۔

کنگنا رناوت کی اس نفرت انگیز پوسٹ پر ردعمل دیتے ہوئے شنیرا اکرم نے ٹوئٹر پر بالی ووڈ اداکارہ کے نام خصوصی پیغام شئیر کردیا ۔شنیرا اکرم نے اپنے ٹوئٹ میں کنگنا کو  آڑے ہاتھوں لیتے ہوئے لکھا  کہ " بھارت میں کہیں بھی ایک چھوٹا سا ٹول باکس موجود ہے جس میں ایک چھوٹا اسکرو گُم ہوگیا ہےاور ’وہ اسکرو کنگنا رناوت کا ہے۔ "

Somewhere in India there is a little tool box that is missing one rather large screw... #KanganaRanaut

— Shaniera Akram (@iamShaniera) May 12, 2021

شنیرا کے اس  ردعمل  پر پاکستانیوں کی بڑی تعداد نے انہیں خوب سراہا ہے ۔ یاد رہے کہ اس سے قبل پاکستان شوبز انڈسٹری کے معروف اداکار منیب بٹ اور  داکارہ مایا علی  نے کنگنا رناوت کو کھری کھری سُنائی تھی۔

واضح رہے کہ غزہ میں صیہونی فورسز کے تازہ حملوں میں شہید فلسطینیوں کی تعداد 113 تک پہنچ گئی جن میں31 بچے بھی شامل ہیں۔