میاں چنوں : شوہر نے بیوی،ساس اور سسرکو فائرنگ کر کے قتل کردیا

جی این این کے مطابق ضلع خانیوال کے علاقے میاں چنوں میں عبد الحق ٹاؤن گلی نمبر 2 میں  گھریلو تنازعے  پر شوہرنے بیوی ،ساس، سسر پر فائرنگ کردی۔ فائرنگ سے بیوی فائقہ، ساس شبانہ اور سسر تحسین موقع پر چل بسے۔تہرے قتل کی واردات کی  اطلاع ملتے ہی پولیس تھانہ سٹی موقع پرپہنچ گئی۔ ملزم ملک اظہر موقع سے 3 بچوں کو لے کر فرار ہو گیا۔  پولیس کاکہنا ہے کہ قتل کی تحقیقات کر رہے ہیں جلد اصل حقائق سامنے لائیں گے ۔