خدا خدا کر کے الیکشن کی تاریخ کا اعلان تو ہو گیا دیر آید درست آید، رہنما پی ٹی آئی

پاکستان تحریک انصاف کے رہنما اور سابق وفاقی وزیر علی محمد خان نے کہا ہے کہ الیکشن کی تاریخ کا اعلان تو ہو گیا خدا خدا کر کے دیر آید درست آید۔

سوشل ویب سائٹ ایکس پر اپنے ٹویٹ میں علی محمد خان کا کہنا تھا کہ الیکشن کمیشن آزاد اور شفاف الیکشن کو یقینی بنائے اور اس کیلئے سیاسی فضا بنائے۔ تمام سیاسی جماعتوں کو الیکشن میں حصہ لینے کے برابر اور بھرپور مواقع ملنے چاہئیے۔

الیکشن کی تاریخ کا اعلان تو ہو گیا خدا خدا کر کے دیر آید درست آید۔
الیکشن کمیشن @ECP_Pakistan ایک آزاد شفاف الیکشن کو یقینی بنائے اور اس کیلئے سیاسی فضا بنائے۔ تمام سیاسی جماعتوں کو الیکشن میں حصہ لینے کے برابر اور بھرپور مواقع ملنے چاہئیے۔ نہایت ہی ضروری ہے کہ نہ کسی سیاسی جماعت…

— Ali Muhammad Khan (@Ali_MuhammadPTI) November 3, 2023

انہوں نے مزید کہا کہ الیکشن کی شفافیت کےلئے یہ بہت ضروری ہے کہ نگران حکومت نہ کسی سیاسی جماعت کی پشت پناہی کرے اور نہ ہی کسی دوسری سیاسی جماعت کو سائیڈ لائن کیا جائے۔

علی محمد خان کا کہنا تھا کہ آزاد شفاف الیکشن وقت کی سب سے اہم ضرورت ہے کیونکہ آگے پاکستان نے کیسے چلنا ہے اس کا انحصار اسی امر میں پنہاں ہے۔