ترسیلات زر میں سہولت کے لیے عرب مانیٹری فنڈ اور سٹیٹ بینک کے مابین مفاہمت کی یادداشت پر دستخط

عرب مانیٹری فنڈ اور اسٹیٹ بینک کے مابین ترسیلات زر میں سہولت کے لیے مفاہمت کی یادداشت پر دستخط ہوگئے۔

اسٹیٹ بینک کی جانب سے جاری بیان کے مطابق ڈائریکٹر جنرل چیئرمین آف دی بورڈ آف ڈائریکٹرز عرب مانیٹری فنڈ (اے ایم ایف) ڈاکٹر عبدالرحمٰن بن عبداللہ الحامدی اور گورنر سٹیٹ بینک جمیل احمد نے اے ایم ایف کے زیراہتمام ابوظہبی میں جمعہ کو ایک تقریب میں مفاہمت کی یادداشت (ایم او یو) پر دستخط کیے۔

مفاہمت کی یادداشت کا مقصد سرحد پار ادائیگی کے نظام ’بونا‘ جسے اے ایم ایف کی زیر ملکیت عرب علاقائی ادائیگی کی کلیئرنگ اور تصفیے کی تنظیم ’اے آر پی سی ایس او‘ چلاتی ہے، اور پاکستان کے فوری ادائیگی کے نظام ’راست‘ کے درمیان تعاون کا فریم ورک قائم کرنا ہے۔