سیکیورٹی فورسز کی ناپاک عزائم کےخلاف کاروائیوں کو سراہتےہیں ،انوارلحق کاکڑ

نگران وزیراعظم انوارالحق کاکڑنے کہاہے کہ میانوالی میں دہشت گردی کے بزدلانہ حملے کو ناکام بنا کر پاک فضائیہ نے ایک بار پھر اپنی صلاحیتوں کا لوہا منوایا ۔

ہفتہ کوسماجی رابطہ کی ویب سائٹ ایکس پراپنے ایک ٹویٹ میں نگران وزیراعظم نے کہاکہ ہماری سلامتی کو نقصان پہنچانے کی کسی بھی کوشش کا ڈٹ کر اورغیرمتزلزل عزم کے ساتھ مقابلہ کیا جائے گا۔

نگران وزیراعظم نے پاک فضائیہ کو مخاطب کرتے ہوئے کہاکہ قوم آپ(پاک فضائیہ)کے ساتھ کھڑی ہے اور ہم آپ کی ہمت اور عزم کو سلام پیش کرتے ہیں۔

انوارلحق کاکڑ نے کہا کہ سیکیورٹی فورسز کی جرائم و ناپاک عزائم کے خلاف کاروائیوں کو سراہتے رہیں گے ۔