کراچی میں سابق ڈی آئی جی جیل خانہ جات کے گھر چوری

کراچی کے علاقے گلشن معمار میں جیل خانہ جات کے ریٹائرڈ ڈی آئی جی کے گھر چوری کی واردات ہوئی جس میں نامعلوم ملزمان گھر سے 20 لاکھ روپے سے زائد مالیت کے قیمتی پرندے چرا کرفرار ہوگئے۔

گلشن معمارسیکٹروی میں ریٹائرڈ ڈی آئی جی راجہ ممتاز کے گھرچوری کی واردات کا واقعہ پیش آیا، واردات کی اطلاع ملتے ہی پولیس موقع پر پہنچ گئی۔

پولیس کا کہنا ہے کہ سابق پولیس افسر نے پرندے گھرکی چھت پر پالے ہوئے تھے، واردات سے متعلق تفصیلات حاصل کی جارہی ہیں، جس کے بعد مقدمہ درج کیا جائے گا۔