بجلی 1.70 روپے فی یونٹ تک مہنگی ہونے کا امکان

ملک بھرکےبجلی صارفین کوایک اور جھٹکا دینےکی تیاری کی جارہی ہے، سہ ماہی ایڈجسٹمنٹ کے تحت بجلی 1.70 روپے فی یونٹ تک مہنگی ہونے کا امکان ہے۔

جولائی تا ستمبرکی ایڈجسٹمنٹ کی درخواست پر نیپرا آج سماعت کرے گا، یکساں ٹیرف کیلئے سہ ماہی ایڈجسٹمنٹ کا اطلاق کے الیکٹرک صارفین پر بھی ہوگا، نیپرا درخواست پر سماعت کے بعد قیمت میں اضافے سے متعلق حتمی فیصلہ کرے گا۔

بجلی صارفین پر 22 ارب 56 کروڑ روپے کا اضافی بوجھ ڈالنے کی درخواست کی گئی ہے،کیپیسٹی چارجز کی مد میں 12ارب،12 کروڑ 60 لاکھ روپے وصولی کی درخواست کی گئی۔