کراچی ایئر پورٹ کے قریب ہونے والے خودکش بم دھماکے کا ایک اور مقدمہ سی ٹی ڈی تھانے میں درج کر لیا گیا ہے۔ پولیس کے مطابق، یہ مقدمہ ایس ایچ او ایئر پورٹ انسپکٹر موسیٰ کلیم کی مدعیت میں درج کیا گیا ہے۔

مقدمے میں دہشت گردی، ٹیرر فنڈنگ، دھماکا خیز مواد، اور قتل سمیت دیگر دفعات شامل کی گئی ہیں۔ پولیس نے بتایا کہ اس مقدمے میں کالعدم بی ایل اے مجید بریگیڈ کے اہم کمانڈروں کو نامزد کیا گیا ہے، جن میں خودکش دھماکے میں معاونت کرنے والے افراد بھی شامل ہیں۔

مقدمے میں کالعدم بی ایل اے کے کمانڈر بشیر احمد بلوچ عرف بشیر زیب اور عبدالرحمٰن عرف رحمٰن گل کو بھی نامزد کیا گیا ہے۔

پولیس نے مزید بتایا کہ مقدمے میں دہشت گردوں کی معاونت کرنے والے نجی بینک کی حب چوکی کے افسر اور اکاؤنٹ ہولڈر کو بھی نامزد کیا گیا ہے، جبکہ دیگر نامعلوم افراد بھی شامل کیے گئے ہیں۔ یہ کارروائی دہشت گردی کے خلاف جاری کوششوں کا حصہ ہے۔

بارہویں فیل اداکار وکرانت میسی نے 2025 میں مزید دو فلموں میں نظر آنے کے بعد ہندوستانی سنیما سے ریٹائرمنٹ کا اعلان کر دیا۔

یکم دسمبر کو وکرانت میسی نے اداکاری سے کنارہ کشی کے اپنے فیصلے کا انکشاف کرکے تفریحی دنیا اور اپنے فالوورز کو چونکا دیا اور انڈسٹری سے ریٹائرمنٹ کا حیران کن اعلان ایک ایسے وقت میں کیا جب وہ اپنے پیشہ ورانہ سفر میں ایک اعلیٰ مقام حاصل کرچکے ہیں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Vikrant Massey (@vikrantmassey)

انسٹاگرام پر، ’12ویں فیل‘ اسٹار نے ایک جذباتی پوسٹ کے ذریعے ریٹائرمنٹ کا اعلان کیا۔ انہوں نے وضاحت کرتے ہوئے کہا کہ ایک اداکار کے طور پر ان کا سفر دلچسپ رہا ہے، اب وہ کل وقتی والد اور شوہر بننے کی منصوبہ بندی کر رہے ہیں اور اس لیے 2025 وہ آخری سال ہو گا جو وہ اسکرین پر نظر آئیں گے۔

انہوں نے اپنے نوٹ میں کہا ہے کہ وہ مزید دو فلموں میں کام کرنے کے بعد اداکاری کو خیرباد کہہ دیں گے۔

جمیعت علمائے اسلام (جے یو آئی) کے سربراہ مولانا فضل الرحمان نے حکومت پرتنقید کرتے ہوئے کہا ہے 26 ویں ترمیم کے بعد حکومت نے وہی کام شروع کردیے ہیں جس سے ہم انہیں روک رہے تھے۔

لودھراں میں ایک تقریب سے خطاب کرتے ہوئے مولانا فضل الرحمان نے کہا کہ جے یو آئی پردباؤ ڈالا گیا کہ ترمیمی بل جس پوزیشن میں ہے اسے ویسا ہی پاس کریں، لیکن ہم نے بل کی 56 شقوں میں سے 34 کٹوا دیں تھیں۔

مولانا فضل الرحمان کا کہنا تھا کہ ہم نے حکومت سے ایک مہینے تک مذاکرات کیے، پہلے وہ ہم سے مسودہ چھپاتے رہے جب ہم نے مسودہ دیکھا تو ہم نے ان کا ساتھ دینے سے انکار کردیا۔ اسلامی نظریاتی کونسل کی سفارشات پر آج تک قانون سازی نہیں ہوسکی، وفاقی شریعت عدالت نے فیصلہ دیا تھا کہ معاشرے سے سود کا نطام کا خاتمہ کیا جائے، یکم جنوری 2028 سے ملک سے سود کا نظام ختم ہوجانا چاہیے۔

مولانا فضل الرحمان نے کہا کہ دینی مدارس کے حوالے سے الیکشن سے پہلے ایک مسودے پر اتفاق ہوگیا تھا، مدارس دین کا مسئلہ ہے، قوم کی رہنمائی کرتا ہے، ہم اسے ختم نہیں ہونے دیں گے۔

ان کا کہنا تھا کہ اگر ہمارے مطالبات نہ مانے گئے تو ہم پورے ملک میں سڑکوں پر ہوں گے۔