سابق فاسٹ بولر وہاب ریاض کو قومی مینز کرکٹ ٹیم  کا چیف سلیکٹر مقرر

پاکستان کرکٹ ٹیم کے سابق فاسٹ بولر وہاب ریاض کو قومی مینز کرکٹ ٹیم  کا چیف سلیکٹر مقرر کر دیا گیا ہے۔

وہاب ریاض 14 دسمبر سے 7 جنوری تک آسٹریلیا میں ہونے والی 3 ٹیسٹ میچوں کی سیریز اور نیوزی لینڈ میں 12 سے 21 جنوری تک ہونے والی 5 میچوں کی ٹی ٹوئنٹی سیریز کے لیے پاکستانی ٹیم کا انتخاب کریں گے۔

Former Pakistan fast bowler Wahab Riaz has been appointed as the chief selector of the national men’s selection committee.

Read more ➡️ https://t.co/3uhDwHUhIB pic.twitter.com/567fXkwQOa

— Pakistan Cricket (@TheRealPCB) November 17, 2023

وہاب ریاض نے 2008 میں اپنے انٹرنیشنل کیریئر کا آغاز کیا اور 27 ٹیسٹ ،91 ون ڈے اور 36ٹی ٹوئنٹی انٹرنیشنل میں مجموعی طور پر237 وکٹیں حاصل کیں اور 1200 رنز بنائے۔  وہ تین عالمی کپ کھیل کر ان مقابلوں میں 35 وکٹوں کے ساتھ پاکستان کے دوسرے سب سے کامیاب بولر رہے۔

پاکستان کرکٹ بورڈ کے مطابق وہاب ریاض کا کہنا ہے کہ قومی سلیکشن کمیٹی کا سربراہ بننا ان کے لیے اعزاز کی بات ہے۔ وہ پاکستان کرکٹ بورڈ کی منیجمنٹ کمیٹی کے سربراہ ذکا اشرف کا شکریہ ادا کرتے ہیں کہ انہوں نے اس ذمہ داری کے لیے ان پر اعتماد کیا۔

Wahab Riaz opens up about his appointment as chief selector and outlines his priorities in this role ?️?

More details ➡️ https://t.co/3uhDwHUhIB pic.twitter.com/qfuv0Y9Bdm

— Pakistan Cricket (@TheRealPCB) November 17, 2023

وہاب ریاض کا مزید کہنا تھا کہ ان کی سب سے بنیادی توجہ ڈومیسٹک کرکٹ میں عمدہ کارکردگی دکھانے والے کھلاڑیوں کو اہمیت دیتے ہوئے آل راؤنڈ اسکواڈز کا اعلان کیا جائے، وہ کھلاڑیوں کی رائے جاننے کے لیے ہمیشہ دستیاب ہیں۔