ندا یاسر نےخود پر ہونے والی تنقید کا جواب دے دیا

کراچی: پاکستان کے مشہور مارننگ ٹی وی شو کی میزبان ندا یاسر نے پیر کے روز کہا کہ انہوں نے اپنی کم  عمری  سے خود سے محنت کرنا شروع کیا اور اپنے مختلف اور مثبت انداز کے ذریعے اپنی زندگی کو مزید رنگین بنانا شروع کیا۔

شائستہ لودھی نے اپنے پوڈ کاسٹ میں ندا یاسر سے سوال پوچھتے ہوئے کہا، ’’یہاں ایسی ذہنیت ہے کہ لوگ پہلی نظر میں ہی آنٹی کہہ دیتے ہیں۔ شائستہ لودھی  کا کہنا تھا کہ منفی سوچ بھی غالب آگئی ہے کہ وہ اب بوڑھی ہو گئی ہے لیکن سرخ رنگ کو ترجیح دیتی ہے اور لال لپ اسٹک استعمال کرتی ہے اور یہ کہ وہ نوعمروں کی طرح لباس پہنتی ہے.

سوال کے جواب میں ندا کا کہنا تھا کہ میں اپنی عمر سے لطف اندوز ہو رہی ہوں اور اس کی بنیادی وجہ یہ ہے کہ ہم نے اپنی زندگی میں بہت محنت کی ہے۔ 

ندا نے کہا میں نے 19 سال کی عمر میں کام کرنا شروع کیا تھا اور گھر اور گاڑی خریدنے کے لیے پیسے بچاتی تھی۔ انہوں نے مزید کہا کہ وہ اپنی زندگی کو بہتر بنانے کے لیے اپنی ابتدائی عمر میں ہی جدوجہد کر رہے تھے۔