مشہور ٹک ٹاکر صندل خٹک کا انتخابات میں حصہ لینے کا اعلان

معروف ٹک ٹاکر صندل خٹک نے انتخابات میں حصہ لینے کا اعلان کر دیا۔ صندک خٹک نے کرک سے مخصوص نشست کے لئے کاغذات نامزدگی جمع کرادیے۔

ان کا کہنا تھا کہ ہمارے آبائی علاقے میں مسائل ہیں، ہمارے علاقے میں سڑکیں ادھوری بنا کر چھوڑ دی گئی ہیں، ان مسائل کے حل کے لیے میدان میں نکلی ہوں۔

انہوں نے کہا کہ میرا مقصد خواتین کو بااختیار بنانا ہوگا، گیس ہمارے علاقے کی ہے لیکن ہمیں گیس نہیں ملتی، خواتین کو گیس، بجلی اور پانی کے مسائل کا سامنا ہے۔

ٹک ٹاکر نے کہا کہ مجھے عوام کی حمایت حاصل ہے، میں جیت کر اپنے علاقے کی بہتری کے لیے کام کروں گی۔