پنجاب میں شدید دھند، حد نگاہ صفر ہونے پر موٹر وے بند

لاہور: پنجاب اور سندھ کے میدانی علاقوں میں دھند کے ڈیرے برقرار ہیں۔

پنجاب میں رات گئے سے شدید دھند کے باعث حد نگاہ صفر ہونے پر موٹر وے کو مختلف مقامات سے بند کر دیا گیا۔

شہر لاہور میں بھی دھند کی وجہ سے ٹریفک کی روانی متاثر ہورہی ہے، شہریوں کو فوگ لائٹ استعمال کرنے رفتار کم رکھنے کی ہدایات دے جارہی ہیں تاکہ حادثات سے بچا جا سکے۔

ایم ٹو لاہور سے کوٹ مومن تک، موٹر وے ایم تھری فیض پور سے رجانہ تک ٹریفک کیلئے بند ہے۔

موٹر وے ایم 4 شیر شاہ سے پنڈی بھٹیاں تک بند ہے، موٹر وے ایم 5 شیر شاہ سے روہڑی تک گاڑیوں کا داخلہ ممنوع ہے جبکہ لاہور سیالکوٹ موٹروے بھی دھند کی وجہ سے ٹریفک کیلئے بند کر دی گئی ہے۔