الیکشن کمیشن نےعام انتخابات2024ء میں کے لئے الیکشن مانیٹرنگ وکنٹرول سنٹر قائم کر دیا

اسلام آباد: الیکشن کمیشن نےعام انتخابات2024ء کے لئے الیکشن مانیٹرنگ وکنٹرول سنٹر قائم کر دیا ہے۔ الیکشن کمیشن کے ترجمان کے مطابق اس سنٹر میں عوام کو الیکشن کے حوالے سے رابطہ کرنے اور اپنی شکایات درج کرانے کی سہولت ہو گی۔اُن کے شکایت کے بروقت ازالہ کے لیے فوری طور پر کارروائی کی جائے گی اور اس مقصد کے لیے سنٹر میں تربیت یافتہ عملہ تعینات کردیا گیا ہے۔

الیکشن کمیشن نے عوام کی شکایات کے اندراج اور ان کے فوری حل کے لیے 4 سطحوں پر کنٹرول سنٹر قائم کئے ہیں جس میں الیکشن کمیشن سیکرٹیریٹ اسلام آباد کے علاوہ صوبائی، ڈویژنل اور ضلعی سطح پر کنٹرول رومز قائم کئے گئے ہیں۔ عوام عام انتخابات کے سلسلے میں شکایت کے اندراج کے لیے سنٹر کے عملہ سے ای میل complaints@ecp.gov.pk پر رابطہ کے علاہ اپنی شکایات وٹس ایپ نمبر 0327-5050610 پر بھی بھیج سکتے ہیں۔

الیکشن کمیشن نے عوام کی سہولت کے لئےسنٹر میں ایک مخصوص ہیلپ لائن کی سہولت بھی دی ہے جس کا رابطہ نمبر111-327-000 ہے۔ ابتدائی طور پر سنٹرصبح 8 بجے سے شام6 بجے تک کام کرے گا تاہم وسط جنوری 2024 ء سے پولنگ کے دن 8 فروری اور نتائج کے موصول ہونے تک یہ سنٹر چوبیس گھنٹے کام کرے گا ۔ کنٹرول سنٹر میں سوشل میڈیا اور الیکٹرانک میڈیا کی مانیٹرنگ کی سہولت بھی موجود ہے۔فیکس نمبر 051-9204403 کے ذریعے بھی شکایات بھیجی جا سکتی ہیں۔